ઈન્ટરનેશનલ ક્રિકેટમાં ટીમ ઈન્ડિયાના ઓપનર રોહિત શર્માને જો કોઈ બોલરે સૌથી વધુ પરેશાન કર્યા હોય તો તે દક્ષિણ આફ્રિકાના કાગીસો રબાડા છે. આંતરરાષ્ટ્રીય ક્રિકેટમાં રોહિત શર્મા સૌથી વધુ વખત આઉટ થયો છે તે કાગિસો રબાડા સામે છે.
રબાડાએ ટેસ્ટ ક્રિકેટમાં છઠ્ઠી વખત રોહિત શર્માને આઉટ કર્યો છે, જ્યારે એકંદરે કાગિસો રબાડાએ આંતરરાષ્ટ્રીય ક્રિકેટમાં 13 વખત રોહિત શર્માની વિકેટ લીધી છે.
અત્યાર સુધી, રોહિત શર્મા આંતરરાષ્ટ્રીય ક્રિકેટમાં સૌથી વધુ વખત ટિમ સાઉથી દ્વારા આઉટ થયો હતો, પરંતુ હવે કાગિસો રબાડા તેને પાછળ છોડી ગયો છે. રબાડા અને સાઉદી બંને સંયુક્ત રીતે નંબર વન હતા, પરંતુ હવે રબાડા નંબર વન છે. કાગિસો રબાડાએ રોહિત શર્માને 13 વખત અને ટિમ સાઉથીએ 12 વખત રોહિત શર્માને આઉટ કર્યો છે. આ યાદીમાં ત્રીજું નામ શ્રીલંકાના દિગ્ગજ ઓલરાઉન્ડર એન્જેલો મેથ્યુસનું છે. મેથ્યુસે 10 વખત રોહિતને આઉટ કર્યો છે.
રોહિત શર્માને સૌથી વધુ વખત આઉટ કરનાર બોલર :
13 વખત – કાગીસો રબાડા
12 વખત – ટિમ સાઉથી
10 વખત – એન્જેલો મેથ્યુઝ
સેન્ચુરિયનમાં મંગળવાર 26મી ડિસેમ્બરથી શરૂ થયેલી પ્રથમ ટેસ્ટ મેચમાં કેપ્ટન રોહિત શર્મા લયમાં જોવા મળ્યો હતો અને તેણે એક શોટ પણ માર્યો હતો, પરંતુ તેના મનપસંદ શોટ પુલ શોટ પર તે ડીપ સ્ક્વેર લેગ પર આઉટ થયો હતો.