ભારતીય ટીમે બીજી ટેસ્ટમાં જીત સાથે બાંગ્લાદેશ પ્રવાસનો અંત કર્યો છે. ભારતીય ટીમે આ શ્રેણીમાં બાંગ્લાદેશને 2-0થી ક્લીન સ્વીપ કર્યું હતું. બાંગ્લાદેશ ભલે આ શ્રેણી હારી ગયું હોય, પરંતુ આ ટીમે જોરદાર લડત આપી.
બાંગ્લાદેશના ઓલરાઉન્ડર મેહદી હસન મિરાજે વનડે અને ટેસ્ટ બંને શ્રેણીમાં શાનદાર પ્રદર્શન કર્યું હતું. મિરાજે મીરપુર ટેસ્ટની બીજી ઇનિંગમાં પાંચ વિકેટ ઝડપી હતી અને એક સમયે તેની ટીમને જીતની નજીક પહોંચાડી હતી. મિરાજે આ ઇનિંગમાં વિરાટ કોહલીને પણ પોતાનો શિકાર બનાવ્યો હતો. ટેસ્ટ શ્રેણીની સમાપ્તિ બાદ કોહલીએ મેહદી હસન મિરાજને એક ખાસ ભેટ આપી છે.
વિરાટ કોહલીએ મેહદી હસન મિરાજને પોતાની જર્સી ગિફ્ટ કરી છે. ક્રિકેટર મેહદી હસને ફેસબુક પોસ્ટ દ્વારા આ માહિતી આપી છે. મિરાજે ફેસબુક પર વિરાટ કોહલી સાથેની એક તસવીર શેર કરી છે, જેમાં ટીમ ઈન્ડિયાનો દિગ્ગજ બેટ્સમેન કોહલી તેને તેની ટી-શર્ટ ભેટમાં આપી રહ્યો છે. તેણે ફેસબુક પર લખ્યું, મહાન ક્રિકેટર તરફથી એક ખાસ ભેટ.
તમને જણાવી દઈએ કે ભારતે બાંગ્લાદેશને બે મેચની શ્રેણીમાં 2-0થી હરાવ્યું છે. ચિત્તાગોંગમાં રમાયેલી પ્રથમ ટેસ્ટ મેચમાં ભારતે 188 રનથી જીત મેળવી હતી, જ્યારે બીજી ટેસ્ટ મેચમાં ભારતે બાંગ્લાદેશને રોમાંચક મેચમાં ત્રણ વિકેટે હરાવ્યું હતું. મેહદી હસન મિરાજે ટેસ્ટ ક્રિકેટમાં પણ ODI ક્રિકેટનું ફોર્મ ચાલુ રાખ્યું અને શાનદાર પ્રદર્શન કર્યું.
Virat Kohli gifted his signed jersey to Mehidy Hasan. pic.twitter.com/WSPQAj0k6O
— Mufaddal Vohra (@mufaddal_vohra) December 25, 2022