ઈંગ્લેન્ડ સામેની ટેસ્ટ શ્રેણીમાં ભારતીય બેટ્સમેન ચેતેશ્વર પૂજારા અત્યાર સુધી સંઘર્ષ કરતા જોવા મળ્યા છે. ચેતેશ્વર પૂજારાએ આ શ્રેણીમાં અત્યાર સુધી રમાયેલી 5 ઇનિંગ્સમાં 17.75ની સરેરાશથી માત્ર 71 રન બનાવ્યા છે. હેડિંગ્લે ખાતે ત્રીજી ટેસ્ટના પહેલા દિવસે પણ પૂજારા બેટથી નિષ્ફળ રહ્યો હતો અને માત્ર એક રન બનાવીને આઉટ થયો હતો.
ઇંગ્લેન્ડના ભૂતપૂર્વ કેપ્ટન માઇકલ વોને ચેતેશ્વર પુજારાને તેના ખરાબ ફોર્મ માટે ફટકાર લગાવી છે. માઈકલ વોને ચેતેશ્વર પૂજારા પર કટાક્ષ કરતા કહ્યું કે તે સંપૂર્ણપણે સમુદ્રમાં છે અને તેણે પોતાનું મન અને તકનીક બંને ગુમાવી દીધા છે. માઈકલ વોનનું કહેવું છે કે પૂજારા માત્ર પોતાના અસ્તિત્વ માટે રમી રહ્યો છે.
બીબીસી સાથેની વાતચીત દરમિયાન માઈકલ વોને કહ્યું કે, પૂજારા અત્યારે સમુદ્ર તરફ જોઈ રહ્યા છે. એવું લાગે છે કે તેણે પોતાનું મન ગુમાવ્યું છે, તેની તકનીક ગુમાવી દીધી છે. મને લાગે છે કે તે તેના અસ્તિત્વ માટે રમી રહ્યો છે. બોલ ઈંગ્લેન્ડમાં સારો સ્વિંગ કરી રહ્યો છે અને તે સંપૂર્ણ દબાણ હેઠળ છે.