વર્લ્ડ ટેસ્ટ રમવા ન્યુઝીલેન્ડ ઇન, જાણો ક્વોલિફાઇ કરવા માટે ભારતએ શું કરવું પડશે

ક્રિકેટ ઓસ્ટ્રેલિયાએ દક્ષિણ આફ્રિકા પ્રવાસ રદ કરવાની હાકલ કરી હતી…

આઇસીસી વર્લ્ડ ટેસ્ટ ચેમ્પિયનશીપની પ્રથમ સીઝનની અંતિમ મેચ આ વર્ષે 18 જૂનથી લોર્ડ્સના મેદાન પર રમવાની છે. કોવિડ -19 રોગચાળાને કારણે ઓસ્ટ્રેલિયન ક્રિકેટ ટીમે તેનો દક્ષિણ આફ્રિકા પ્રવાસ મોકૂફ રાખ્યો છે, જ્યાં તેને ત્રણ ટેસ્ટ મેચ રમવાની હતી. પ્રવાસ મુલતવી રાખ્યા બાદ ન્યુઝીલેન્ડની ક્રિકેટ ટીમ આઈસીસી વર્લ્ડ ટેસ્ટ ચેમ્પિયનશીપની ફાઈનલમાં પહોંચનારી પહેલી ટીમ બની છે.

મંગળવારે ક્રિકેટ ઓસ્ટ્રેલિયાએ દક્ષિણ આફ્રિકા પ્રવાસ રદ કરવાની હાકલ કરી હતી. ન્યૂઝીલેન્ડની ટીમ હાલમાં બીજા સ્થાને છે, જ્યારે ભારત તેના કરતા થોડું આગળ છે. ઓસ્ટ્રેલિયા ત્રીજા અને ઇંગ્લેન્ડ ચોથા સ્થાને છે. જો આપણે સમીકરણો જોઈએ તો અહીંથી ભારત, ઇંગ્લેન્ડ અથવા ઓસ્ટ્રેલિયાની કોઈ એક ટીમ ફાઇનલમાં જગ્યા બનાવી શકે છે.