ડે-નાઈટ, એડેલેડમાં પ્રથમ મેચ રમવાની સાથે બંને દેશો વચ્ચે ચાર મેચની ટેસ્ટ શ્રેણી રમવાની છે…
ક્રિકેટ ઓસ્ટ્રેલિયા (સીએ) એ કહ્યું કે કોરોના વાયરસના નવા કેસો વચ્ચે સિડનીમાં બોર્ડર-ગાવસ્કર ટ્રોફીની ત્રીજી ટેસ્ટ માટે કોઈ ખતરો નથી. બોર્ડે એમ પણ કહ્યું હતું કે પરિસ્થિતિ પર નજર રાખવામાં આવી રહી છે. શુક્રવારે સિડનીમાં કોરોના ચેપના 28 કેસ નોંધાયા હતા. ભારત અને ઓસ્ટ્રેલિયા વચ્ચે ત્રીજી ટેસ્ટ અહીં 7 જાન્યુઆરીથી રમાવાની છે.
ક્રિકેટ ઓસ્ટ્રેલિયા ના વચગાળાના ચીફ એક્ઝિક્યુટિવ નિક હોકલે કહ્યું કે, અમે અમારા તબીબી નિષ્ણાતોના સંપર્કમાં છીએ. અમે સત્ર દરમ્યાન અમારા ખેલાડીઓને બાયો બબલમાં રાખ્યા છે. અમે પરિસ્થિતિ જોઈ રહ્યા છીએ પરંતુ ચિંતા કરવાની કંઈ વાત નથી. સિડનીમાં ટેસ્ટ અંગે કોઈ અનિશ્ચિતતા છે કે નહીં તે પૂછતાં તેમણે કહ્યું કે, “હું એવું નથી માનતો.” આ માટે, આપણે બાયો બબલ બનાવ્યો છે.
તમને જણાવી દઈએ કે સિડનીમાં કોવિડ -19 ના નવા કેસોને જોતા ઓસ્ટ્રેલિયાના ભૂતપૂર્વ ઝડપી બોલર અને ફોક્સ ક્રિકેટ કોમેંટેટર બ્રેટ લીએ નોર્થ સિડનીમાં પોતાના ઘરે પાછા ફરવાનું નક્કી કર્યું છે. બ્રોડકાસ્ટર ટીમના બે સિડની સ્થિત સભ્યો પણ પાછા ફર્યા. ડે-નાઈટ, એડેલેડમાં પ્રથમ મેચ રમવાની સાથે બંને દેશો વચ્ચે ચાર મેચની ટેસ્ટ શ્રેણી રમવાની છે.