ભારતીય ટીમ 22 નવેમ્બરથી ઓસ્ટ્રેલિયા પ્રવાસ પર 5 મેચની બોર્ડર-ગાવસ્કર ટેસ્ટ શ્રેણી રમવાની છે. તમામ ચાહકો આ પ્રવાસ માટે ટીમ ઈન્ડિયાની જાહેરાતની આતુરતાથી રાહ જોઈ રહ્યા હતા અને BCCIએ 25 ઓક્ટોબરે આ પ્રવાસ માટે ટીમની જાહેરાત કરી હતી.
રોહિત શર્મા ટીમની કેપ્ટનશીપની જવાબદારી સંભાળશે તો ટીમમાં કેટલાક નવા નામ પણ જોવા મળશે. ભારતીય ટીમ માટે આ સિરીઝ ઘણી મહત્વની બની રહી છે, કારણ કે તેણે વર્લ્ડ ટેસ્ટ ચેમ્પિયનશિપની ત્રીજી એડિશનની ફાઇનલમાં પહોંચવા માટે ઘણું સારું પ્રદર્શન કરવું પડશે.
છેલ્લી વખત ટીમ ઈન્ડિયાએ વર્ષ 2021-21માં ઓસ્ટ્રેલિયાનો પ્રવાસ કર્યો હતો અને ટેસ્ટ શ્રેણી 2-1થી જીતી હતી. જોકે, આ વખતે ઓસ્ટ્રેલિયાના પ્રવાસ માટે જાહેર કરાયેલી ટીમમાં કુલ 13 એવા ખેલાડીઓ છે જેઓ અગાઉના પ્રવાસમાં ટીમનો ભાગ હતા પરંતુ આ વખતે તેને સ્થાન મળ્યું નથી.
રહાણે ગયા વર્ષે તેના ખરાબ ફોર્મના કારણે ટીમ ઈન્ડિયાની બહાર થઈ ગયો હતો અને ત્યારથી તે વાપસી કરી શક્યો નથી. ચેતેશ્વર પૂજારાની વાત કરીએ તો તેણે ટીમ ઈન્ડિયાને ગત ઓસ્ટ્રેલિયા પ્રવાસમાં જીત અપાવવામાં મહત્વની ભૂમિકા ભજવી હતી, પરંતુ આ વખતે તે પણ ટીમમાં જગ્યા બનાવી શક્યો નથી. નવદીપ સૈની, જે ટીમ ઈન્ડિયાના છેલ્લા ઓસ્ટ્રેલિયન પ્રવાસમાં ટીમનો ભાગ હતો, પરંતુ આ વખતે તેને પ્રવાસી રિઝર્વ ખેલાડી તરીકે ટીમમાં સ્થાન મળ્યું છે.
ગત ઓસ્ટ્રેલિયન પ્રવાસમાં ભારતીય ટીમમાં સામેલ ખેલાડીઓને આ વખતે ટીમમાં પસંદ કરવામાં આવ્યા નથી.
અજિંક્ય રહાણે, ઈશાંત શર્મા, શાર્દુલ ઠાકુર, ટી. નટરાજન, કુલદીપ યાદવ, ઉમેશ યાદવ, મોહમ્મદ શમી, નવદીપ સૈની, હનુમા વિહારી, પૃથ્વી શો, રિદ્ધિમાન સાહા, ચેતેશ્વર પૂજારા, મયંક અગ્રવાલ.
આ વખતે ઓસ્ટ્રેલિયા પ્રવાસ માટે ભારતની ટીમઃ
રોહિત શર્મા (કેપ્ટન), જસપ્રિત બુમરાહ (વાઈસ-કેપ્ટન), યશસ્વી જયસ્વાલ, અભિમન્યુ ઇશ્વરન, શુભમન ગિલ, વિરાટ કોહલી, કેએલ રાહુલ, ઋષભ પંત (વિકેટકીપર), સરફરાઝ ખાન, ધ્રુવ જુરેલ (વિકેટકીપર), રવિચંદ્રન અશ્વિન, રવિન્દ્ર અશ્વિન. મોહમ્મદ સિરાજ, આકાશ દીપ, પ્રસિદ્ધ કૃષ્ણ, હર્ષિત રાણા, નીતીશ કુમાર રેડ્ડી, વોશિંગ્ટન સુંદર.