રીષભ નહીં પણ વૃદ્ધિમાન સહાને પ્રથમ ટેસ્ટમાં જગ્યા મળવી જોઈએ: માંજરેકર

રીષભ પંતે પણ પ્રેક્ટિસ મેચમાં શાનદાર બેટિંગ કરીને પોતાનો દાવો રજૂ કર્યો છે…

ભારત અને ઓસ્ટ્રેલિયા વચ્ચે 17 ડિસેમ્બરથી એડિલેડમાં શરૂ થનારી પ્રથમ ટેસ્ટ મેચમાં કોને વિકેટકીપર તરીકે સામેલ કરવો જોઇએ તે અંગે ચાલી રહેલી ચર્ચા વચ્ચે પૂર્વ ક્રિકેટર અને કમેંટેટર સંજય માંજરેકરે કહ્યું છે કે, વૃદ્ધિમાન સહાને વિકેટકીપિંગની તક મળવી જોઈએ. હોવું જોઈએ માંજરેકરના કહેવા પ્રમાણે, ટેસ્ટ ક્રિકેટમાં વિકેટકીપરની પસંદગી વિકેટ-કીપિંગની તેની કુશળતાના આધારે હોવી જોઈએ.

માંજરેકરે કહ્યું, ‘વિકેટકીપિંગ કુશળતાને ટેસ્ટ ક્રિકેટમાં પ્રાધાન્ય મળવું જોઈએ. જો તમે સ્ટીવ સ્મિથ જેવા બેટ્સમેનનો કેચ છોડો અને તે બેવડી સદી ફટકારે તો શું થશે, તેથી સાહાને તક મળી જવી જોઈએ. સાથે એમ પણ કહ્યું કે ઓસ્ટ્રેલિયાના ઝડપી બોલરોની સામે, વધુ સારા વિકેટકીપરની વધારે જરૂર છે. તેથી જ સાહાને એક તક મળવી જોઈએ.

આ સાથે જ રીષભ પંતે પણ પ્રેક્ટિસ મેચમાં શાનદાર બેટિંગ કરીને પોતાનો દાવો રજૂ કર્યો છે. સિડનીમાં યોજાયેલી પ્રથમ પ્રેક્ટિસ મેચમાં સહાએ અડધી સદી ફટકારી હતી જ્યારે બીજી પ્રેક્ટિસ મેચમાં Rષભે આક્રમક બેટિંગ કરી હતી.