ઓસ્ટ્રેલિયાના ટેસ્ટ કેપ્ટન પેટ કમિન્સે જણાવ્યું હતું કે બોલને ચમકાવવા માટે લાળના ઉપયોગ પરના સાવચેતીના પ્રતિબંધની અસર એટલી મોટી નથી જેટલી ધારવામાં આવી હતી અને તેના ઉપયોગ પર કાયમી પ્રતિબંધ ફાસ્ટ બોલરો માટે “મોટી વાત” નથી.
મે 2020માં, આંતરરાષ્ટ્રીય ક્રિકેટ પરિષદ (ICC) એ કોવિડ -19 રોગચાળાને પગલે લાળના ઉપયોગ પર પ્રતિબંધ મૂક્યો હતો. મેરીલેબોન ક્રિકેટ ક્લબ (MCC), ક્રિકેટના નિયમોના રક્ષક, તાજેતરમાં તેના સુધારેલા 2022 કોડની જાહેરાત કરતી વખતે લાળના ઉપયોગ પર સંપૂર્ણ પ્રતિબંધની જાહેરાત કરી હતી, જે આ વર્ષે ઓક્ટોબરમાં અમલમાં આવશે.
એમસીસીની દલીલ છે કે તેના સંશોધન મુજબ, લાળનો ઉપયોગ બોલની ગતિ પર કોઈ અસર કરતું નથી. “મને એવું નથી લાગતું (લાળ પર પ્રતિબંધ સ્વિંગ બોલરોના પ્રદર્શનને અસર કરશે),” હાલમાં વિશ્વના ટોચના બોલરોમાંના એક કમિન્સે કહ્યું.
“મને નથી લાગતું કે અમે વિચાર્યું હતું તેટલી અસર તેણે કરી છે,” તેણે કહ્યું. અમે હવે પરસેવો વાપરી શકીએ છીએ તેથી તે કોઈ મોટી વાત નથી.’ MCCએ કહ્યું કે બોલને ચમકાવવા માટે લાળનો ઉપયોગ અયોગ્ય વર્તન ગણવામાં આવશે.
કમિન્સ 2019માં ઈન્ડિયન પ્રીમિયર લીગ (IPL)માં સૌથી મોંઘો વિદેશી ખેલાડી બન્યો. ત્યારબાદ તેને કોલકાતા નાઈટ રાઈડર્સે 15.50 કરોડમાં ખરીદ્યો હતો. તે આ લીગની આગામી સિઝનમાં ફરી એકવાર કોલકાતાની ટીમથી રમશે.
KKRએ ભારતીય બેટ્સમેન શ્રેયસ અય્યરને કેપ્ટન તરીકે નિયુક્ત કર્યા છે. આઈપીએલની 2017 સીઝનમાં કમિન્સે તેની સાથે ડ્રેસિંગ રૂમ શેર કર્યો હતો. તેણે કહ્યું, ‘હું અને શ્રેયસ દિલ્હી (ડેર ડેવિલ્સ) માટે રમ્યા છીએ.