ભારતના દિગ્ગજ સ્પિનર રવિચંદ્રન અશ્વિને ધર્મશાલામાં ઈંગ્લેન્ડ સામેની પાંચમી અને છેલ્લી ટેસ્ટની બીજી ઈનિંગમાં પોતાના શાનદાર પ્રદર્શનથી ઘણા રેકોર્ડ પોતાના નામે કર્યા.
અશ્વિને 14 ઓવરમાં 77 રન આપીને 5 વિકેટ લીધી અને જેક ક્રોલી, બેન ડકેટ, ઓલી પોપ, બેન સ્ટોક્સ અને બેન ફોક્સને પોતાનો શિકાર બનાવ્યો. તેની 100મી ટેસ્ટમાં અશ્વિને કુલ 9 વિકેટ લીધી હતી.
અશ્વિન પોતાની ડેબ્યૂ અને 100મી ટેસ્ટ મેચમાં એક ઇનિંગમાં 5 કે તેથી વધુ વિકેટ લેનારો વિશ્વનો પ્રથમ ક્રિકેટર બની ગયો છે. અશ્વિને નવેમ્બર 2011માં દિલ્હીમાં વેસ્ટ ઈન્ડિઝ સામે રમાયેલી ડેબ્યૂ ટેસ્ટમાં 6 વિકેટ લીધી હતી.
R Ashwin becomes the FIRST player to take a fifer on debut and 100th Test.
Debut – vs WI at Delhi, 2011
100th Test – vs ENG at Dharamsala, 2024 pic.twitter.com/XBM3DPSJha— Kausthub Gudipati (@kaustats) March 9, 2024
એક ભારતીય બોલર તરીકે અશ્વિને આંતરરાષ્ટ્રીય ક્રિકેટમાં કોઈપણ એક ખેલાડીને સૌથી વધુ આઉટ કરવાનો રેકોર્ડ બનાવ્યો છે. અશ્વિને આંતરરાષ્ટ્રીય ક્રિકેટમાં 17મી વખત ઈંગ્લેન્ડના કેપ્ટન બેન સ્ટોક્સને આઉટ કર્યો. ભૂતપૂર્વ કેપ્ટન કપિલ દેવે વેસ્ટ ઈન્ડિઝના ડેસમન્ડ હેન્સને 16 વખત આઉટ કર્યા હતા.
આ સિવાય અશ્વિન ટેસ્ટમાં સૌથી વધુ વખત એક પણ ખેલાડીને આઉટ કરવાના મામલે ભારતીય બોલર તરીકે પ્રથમ સ્થાને પહોંચી ગયો છે. અશ્વિને ટેસ્ટમાં 13મી વખત સ્ટોક્સને પોતાનો શિકાર બનાવ્યો છે. કપિલે પાકિસ્તાનના મુદ્દસર નઝરને ટેસ્ટમાં 12 વખત આઉટ કર્યો હતો.
અશ્વિન ભારત તરફથી ટેસ્ટમાં સૌથી વધુ વખત એક ઇનિંગમાં 5 વિકેટ લેનારો બોલર બની ગયો છે. 36મી વખત આ કારનામું કરીને તેણે અનિલ કુંબલેને પાછળ છોડી દીધો. આ ઉપરાંત, તે ટેસ્ટમાં એક ઇનિંગમાં સૌથી વધુ 5 વિકેટ લેવાના મામલે રિચર્ડ હેડલી સાથે સંયુક્ત રીતે ત્રીજા સ્થાને છે.
Indian Bowlers to Dismiss a batter most times in all formats
17 – 𝗥𝗮𝘃𝗶 𝗔𝘀𝗵𝘄𝗶𝗻 𝘃 𝗕𝗲𝗻 𝗦𝘁𝗼𝗸𝗲𝘀*
16 – Kapil Dev v Desmond Haynes
14 – Zaheer Khan v Graeme Smith
14 – Anil Kumble v Aravinda De Silva
14 – Ravi Ashwin v David Warner
14 – Ravi Ashwin v L Thirimanne… https://t.co/CGrxPvZ8aQ— 𝑺𝒉𝒆𝒃𝒂𝒔 (@Shebas_10dulkar) March 9, 2024