બોલરોએ પણ ફિલ્ડરો અનુસાર બોલિંગ કરવી જોઈએ. જો બોલર ફિલ્ડરો અનુસાર બોલિંગ કરે છે..
ભૂતપૂર્વ ભારતીય કેપ્ટન સુનીલ ગાવસ્કરે ઓસ્ટ્રેલિયા સામેની બીજી ટેસ્ટના પહેલા દિવસે શનિવારની રમત સમાપ્ત થયા પછી કહ્યું હતું કે કેરટેકર કેપ્ટન અજિંક્ય રહાણેને તેનો ફિલ્ડર ક્યાં હોવો જોઈએ તે અંગે સારી સમજ છે.
ગાવસ્કરે કહ્યું કે, રહાણેએ કેપ્ટનશિપ કરી હતી તે મેચોમાં, મેં જોયું કે ફિલ્ડરોને ક્યાં રાખવા જોઇએ તેની તેમને સમજ છે. સૌથી મહત્વની વાત એ છે કે બોલરોએ પણ ફિલ્ડરો અનુસાર બોલિંગ કરવી જોઈએ. જો બોલર ફિલ્ડરો અનુસાર બોલિંગ કરે છે, તો સફળતા પહેલી ઇનિંગ્સમાં જોવા મળે છે.
ગાવસ્કરે કહ્યું કે રહાણેની કેપ્ટનશિપ અને બોલરોના સંયુક્ત પ્રયત્નોને કારણે ભારત સારી સ્થિતિમાં છે. તેમણે કહ્યું, ભારત માટે એ હકીકતથી આગળ જોવું મહત્વપૂર્ણ છે કે તે ફક્ત અજિંક્ય રહાણેની કેપ્ટનશીપ છે.
તેમણે કહ્યું, આપણે આટલી વહેલી તકે કોઈ નિર્ણય પર પહોંચવું ન જોઈએ. જો હું એમ કહીશ કે તેની કેપ્ટનશિપ શ્રેષ્ઠ છે, તો મારા પર મુંબઈના ખેલાડીનું સમર્થન કરવાનો આરોપ મૂકવામાં આવશે. હું આ પ્રકારની ચર્ચામાં આવવા માંગતો નથી કારણ કે તે ફક્ત શરૂઆત છે.