શ્રીલંકા અને પાકિસ્તાન પ્રથમ ટેસ્ટમાં ટકરાશે. આ મેચ ગાલે મેદાન પર રમાઈ રહી છે. મેચના બીજા દિવસે પાકિસ્તાનનો અનુભવી વિકેટ કીપર બેટ્સમેન સરફરાઝ અહેમદ કંઈ ખાસ બતાવી શક્યો નહોતો.
તે 15 બોલમાં 3 ચોગ્ગાની મદદથી 17 રન બનાવીને સ્પિનર પ્રભાત જયસૂર્યાની જાળમાં ફસાઈ ગયો હતો. 21મી ઓવરના બીજા બોલ પર સરફરાઝને જયસૂર્યા એલબીડબ્લ્યુ આઉટ થયો હતો. સરફરાઝે ભલે નાની ઇનિંગ્સ રમી હોય પરંતુ તેણે એક મોટા રેકોર્ડને સ્પર્શ કર્યો. તેણે આ સમયગાળા દરમિયાન ત્રણ હજાર ટેસ્ટ રન પૂરા કર્યા જે એક રેકોર્ડ છે.
જણાવી દઈએ કે સરફરાઝ ત્રણ હજાર ટેસ્ટ રન બનાવનાર પાકિસ્તાનનો પહેલો વિકેટ કીપર બેટ્સમેન છે. તેણે 52 ટેસ્ટની 91 ઇનિંગ્સમાં 38.58ની એવરેજથી 3009 રન બનાવ્યા છે. તેણે સૌથી લાંબા ફોર્મેટમાં ચાર સદી અને 21 અડધી સદી ફટકારી છે. સરફરાઝે વર્ષ 2010માં ટેસ્ટ ડેબ્યૂ કર્યું હતું. સરફરાઝ બાદ પાકિસ્તાની વિકેટકીપર કામરાન અકમલ સૌથી વધુ રન બનાવનાર બેટ્સમેન છે. તેણે 52 ટેસ્ટ મેચોમાં 26648 રન ઉમેર્યા. મોઇન ખાન (66 મેચમાં 2561) ત્રીજા સ્થાને છે. તેના પછી ઈમ્તિયાઝ અહેમદ (38 ટેસ્ટમાં 2010) અને રાશિદ લતીફ (37 મેચમાં 1381)નો નંબર આવે છે.
વરસાદને કારણે બીજા દિવસે સ્ટમ્પ વહેલા જાહેર કરવામાં આવ્યા હતા. સ્ટમ્પ સમયે, પાકિસ્તાનનો પ્રથમ દાવનો સ્કોર 45 ઓવરમાં 221/5 હતો. સઈદ શકીલ 69 અને આગા સલમાન 61 રને અણનમ છે.