એશિઝ શ્રેણી પહેલા ઈંગ્લેન્ડને આંચકો, ઘાતક બોલર જોફ્રા આર્ચરથયો આઉટ

ઈંગ્લેન્ડનો ફાસ્ટ બોલર જોફ્રા આર્ચર જમણી કોણીમાં ઈજાના કારણે ઓસ્ટ્રેલિયા સામેની એશિઝ શ્રેણીમાંથી બહાર થઈ ગયો છે. આ ઈજાને કારણે આર્ચર 2021થી બહુ ઓછું ક્રિકેટ રમી શક્યો છે.

ઈંગ્લેન્ડ અને વેલ્સ ક્રિકેટ બોર્ડ (ECB)ના જણાવ્યા અનુસાર, સ્કેનથી તેની કોણીની ઈજાના જ્વલન જણાય છે, જે તેને આ ઉનાળામાં કોઈપણ આંતરરાષ્ટ્રીય મેચમાંથી બહાર કરી દેશે. બાર્બાડોસમાં જન્મેલા 28 વર્ષીય ફાસ્ટ બોલરની 2021માં કોણીના બે ઓપરેશન થયા હતા. તે આ વર્ષે ઈન્ડિયન પ્રીમિયર લીગ (આઈપીએલ)માં રમવા માટે મુંબઈ ઈન્ડિયન્સની ટીમ સાથે સંકળાયેલો હતો પરંતુ તેને અધવચ્ચે જ ઘરે પરત ફરવું પડ્યું હતું.

ECBના મેનેજિંગ ડિરેક્ટર રોબર્ટ કીએ કહ્યું, ‘જોફ્રા આર્ચર માટે તે નિરાશાજનક અને મુશ્કેલીભર્યો સમય રહ્યો છે. કોણીની ઈજામાંથી સાજો થયો ત્યાં સુધી તે સારી પ્રગતિ કરી રહ્યો હતો. અમે તેને ઝડપથી સ્વસ્થ થવાની ઈચ્છા કરીએ છીએ. આશા છે કે અમે તેને ફરીથી ઈંગ્લેન્ડ માટે મેચ જીતતા જોઈશું. એશિઝ શ્રેણીની પાંચ ટેસ્ટ મેચોમાંથી પ્રથમ મેચ 16 જૂનથી રમાશે. આ પહેલા ઈંગ્લેન્ડની ટીમ 1 જૂનથી લોર્ડ્સમાં આયર્લેન્ડ સામે ટેસ્ટ મેચ રમશે.

ઇંગ્લેન્ડે મંગળવારે આયર્લેન્ડ સામેની મેચ માટે 15 સભ્યોની ટીમની જાહેરાત કરી હતી, જેમાં જોની બેરસ્ટોનો પણ સમાવેશ કરવામાં આવ્યો છે. ગોલ્ફ રમતી વખતે લપસી જવાથી બેયરસ્ટોને ડાબા પગમાં ફ્રેક્ચર થયું હતું, ત્યાર બાદ તેણે પોતાના દેશ માટે કોઈ મેચ રમી ન હતી. ગયા વર્ષે બ્રેન્ડન મેક્કુલમની કોચ અને બેન સ્ટોક્સની કેપ્ટન તરીકે નિમણૂક કરવામાં આવી ત્યારથી ઈંગ્લેન્ડે તેની 12 ટેસ્ટ મેચોમાંથી 10 જીતી છે. આ પહેલા ઈંગ્લેન્ડે 17 મેચમાંથી માત્ર એક ટેસ્ટ મેચ જીતી હતી.

આયર્લેન્ડ મેચ માટે ઈંગ્લેન્ડની ટીમ: બેન સ્ટોક્સ (સી), જેમ્સ એન્ડરસન, જોની બેરસ્ટો, સ્ટુઅર્ટ બ્રોડ, હેરી બ્રુક, ઝેક ક્રોલી, બેન ડકેટ, ડેન લોરેન્સ, જેક લીચ, ઓલી પોપ, મેથ્યુ પોટ્સ, ઓલી રોબિન્સન, જો રૂટ, ક્રિસ વોક્સ , માર્ક વુડ.