શ્રીલંકાના કામિન્દુ મેન્ડિસે શુક્રવારે એક મોટી સિદ્ધિ મેળવી હતી. આ ડાબા હાથના બેટ્સમેને જે રીતે તેની કારકિર્દીની શરૂઆત કરી છે તે અમૂલ્ય છે. તે ટેસ્ટ ક્રિકેટના ઈતિહાસમાં સૌથી ઝડપી 1000 રન પૂરા કરનાર એશિયાઈ બેટ્સમેન બન્યો.
તેણે ન્યૂઝીલેન્ડ સામે ગાલેમાં રમાઈ રહેલી શ્રેણીની બીજી મેચમાં આ સિદ્ધિ મેળવી હતી. તે ટેસ્ટમાં સૌથી ઝડપી 1000 રન પૂરા કરનાર બેટ્સમેનોની યાદીમાં સંયુક્ત રીતે બીજા સ્થાને છે.
મેન્ડિસે પોતાની કારકિર્દીની 13મી ઇનિંગ્સમાં આ રેકોર્ડ હાંસલ કર્યો હતો. તેણે વિનોદ કાંબલીનો રેકોર્ડ તોડ્યો. કાંબલીએ 14 ઇનિંગ્સમાં આ સ્થાન હાંસલ કર્યું હતું. મેન્ડિસે ઓસ્ટ્રેલિયાના મહાન બેટ્સમેન સર ડોન બ્રેડમેનના રેકોર્ડની પણ બરાબરી કરી હતી. ટેસ્ટ ક્રિકેટમાં સૌથી ઝડપી 1000 રનનો રેકોર્ડ વેસ્ટ ઈન્ડિઝના એવર્ટન વીક્સ અને ઈંગ્લેન્ડના હેબર્ટ સટક્લિફના નામે છે. બંનેએ 12 ઇનિંગ્સમાં 1000 ટેસ્ટ રન પૂરા કર્યા હતા.
1949 પછી ટેસ્ટ ક્રિકેટમાં સૌથી ઝડપી 1000 રન પૂરા કરવાનો આ રેકોર્ડ પણ છે. એવર્ટન વીક્સે 1949માં મુંબઈના બેબોર્ન સ્ટેડિયમમાં ભારત સામે આ સિદ્ધિ મેળવી હતી. આનો અર્થ એ થયો કે છેલ્લા 75 વર્ષમાં કોઈ પણ બેટ્સમેને ટેસ્ટ ક્રિકેટમાં ડેબ્યૂ કર્યા બાદ આટલી ઓછી ઇનિંગ્સમાં 1000 રન પૂરા કર્યા નથી.
તેણે સતત 8મી ટેસ્ટમાં 50+ સ્કોર કર્યો. તેણે પાકિસ્તાનના સઈદ શકીલનો રેકોર્ડ તોડ્યો. મેન્ડિસે 13 ટેસ્ટ ઇનિંગ્સમાં પાંચ સદી ફટકારી છે.
Kamindu Mendis joins an elite club! 💫
Reaching 1️⃣0️⃣0️⃣0️⃣ Test runs in just his 13th innings, he now shares this incredible feat with the legendary Don Bradman. 🤩
A phenomenal feat, making him the third-fastest ever and the quickest since 1949! What a star!#SLvNZ… pic.twitter.com/8vLBoKECs2
— Sri Lanka Cricket 🇱🇰 (@OfficialSLC) September 27, 2024