ઇન્ટરનેશનલ ક્રિકેટ કાઉન્સિલ (ICC) એ પુષ્ટિ કરી છે કે વર્લ્ડ ટેસ્ટ ચેમ્પિયનશિપની આગામી બે સિઝનની ફાઇનલ ક્યા મેદાન પર રમાશે. ICCએ એક મોટી જાહેરાત કરી છે કે 2023 અને 2025માં યોજાનારી ICC વર્લ્ડ ટેસ્ટ ચેમ્પિયનશિપની ફાઇનલ મેચ લંડનના લોર્ડ્સ ક્રિકેટ ગ્રાઉન્ડમાં યોજાશે.
તમને જણાવી દઈએ કે ICC વર્લ્ડ ટેસ્ટ ચેમ્પિયનશિપની પ્રથમ સિઝનની ફાઈનલ મેચ સાઉથમ્પટનના રોઝ બાઉલમાં થઈ હતી. તે ટાઈટલ મેચમાં ભારતનો સામનો ન્યુઝીલેન્ડ સામે થયો હતો અને કીવી ટીમે ફાઈનલ મેચ જીતીને ઈતિહાસ રચ્યો હતો. ICC એ ક્રિકેટની પરાકાષ્ઠા ઈવેન્ટની ફાઈનલની યજમાની કરવા માટે લંડનના ઐતિહાસિક ક્રિકેટ મેદાન, લોર્ડ્સ સ્ટેડિયમની પસંદગી કરી છે, જેમાં ઘણા પરિબળો ધ્યાનમાં લેવામાં આવ્યા છે.
Lord's has been locked as the ICC World Test Championship Final venue for 2023 and 2025.
— Mufaddal Vohra (@mufaddal_vohra) July 26, 2022
જો કે, ICCએ હજુ સુધી એ વાતની પુષ્ટિ કરી નથી કે આવતા વર્ષે યોજાનારી WTC ફાઈનલ ક્યારે રમાશે, પરંતુ માનવામાં આવી રહ્યું છે કે ગત વખતની જેમ આ વખતે પણ તેનું આયોજન જૂન મહિનામાં થઈ શકે છે. દરમિયાન, ઉનાળાની સિઝન શરૂ થઈ ગઈ છે અને ટુર્નામેન્ટની ફાઈનલનું આયોજન કરવું સારું રહેશે. ICC ટૂંક સમયમાં જ ફ્યુચર ટૂર પ્રોગ્રામ એટલે કે FTP બહાર પાડશે, જેમાં તે નક્કી કરવામાં આવશે કે તે કયા મહિનામાં આયોજન કરવામાં આવશે.