બે ટેસ્ટ મેચની શ્રેણીની પ્રથમ મેચ 2 જૂને લોર્ડ્સ ક્રિકેટ ગ્રાઉન્ડ પર શરૂ થશે…
ઇંગ્લેન્ડના બોલરો 2 જૂનથી શરૂ થનારી ટેસ્ટ સિરીઝ દરમિયાન ન્યુઝીલેન્ડના કેપ્ટન કેન વિલિયમસનને વહેલીતકે આઉટ કરવાની યોજના બનાવી રહ્યા છે. ફાસ્ટ બોલર ઓલી રોબિન્સને કહ્યું, “મને લાગે છે કે વિલિયમસનને નિપ બેકર દ્વારા એલબીડબ્લ્યુ આઉટ કરાવવી એ સારી પસંદગી હશે. તે પ્લાન એ છે પરંતુ જો તે સફળ નહીં થાય તો અમારી પાસે પ્લાન બી અને સી પણ છે.”
ઇંગ્લેન્ડમાં વિલિયમસનનો રેકોર્ડ કંઈ ખાસ નથી. તેણે ઇંગ્લેન્ડમાં ચાર ટેસ્ટ મેચમાં 247 રન બનાવ્યા છે. જોકે, તેણે 2015 માં લોર્ડ્સના મેદાન પર સદી ફટકારી હતી.
આ શ્રેણી માટે જોફ્રા આર્ચર, બેન સ્ટોક્સ, ક્રિસ વોક્સ અને સેમ કરનનો સમાવેશ ઇંગ્લેન્ડની ટીમમાં નથી. આવી સ્થિતિમાં રોબિન્સનને પ્રથમ ટેસ્ટમાં તક મળી શકે છે.
રોબિન્સને કહ્યું, “એ હકીકત પણ છે કે હું રોસ ટેલર અને વિલિયમસનને થોડું જાણું છું કારણ કે હું તેની સાથે કાઉન્ટીમાં રમ્યો છું, તે મને થોડી મદદ કરશે.”
મહત્વનું છે કે, ઇંગ્લેન્ડ અને ન્યુઝીલેન્ડ વચ્ચે બે ટેસ્ટ મેચની શ્રેણીની પ્રથમ મેચ 2 જૂને લોર્ડ્સ ક્રિકેટ ગ્રાઉન્ડ પર શરૂ થશે.