પાકિસ્તાનના ભૂતપૂર્વ ફાસ્ટ બોલર શોએબ અખ્તરે વિકેટકીપર-બેટ્સમેન મોહમ્મદ રિઝવાનના વખાણ કરતાં કહ્યું કે તેણે જે રીતે તેની મર્યાદિત ક્ષમતાઓનો ઉપયોગ કરીને તમામ ફોર્મેટમાં અપેક્ષાઓથી ઉપરનું પ્રદર્શન કર્યું છે, લોકો તેને વર્ષો સુધી યાદ રાખશે.
29 વર્ષીય ખેલાડીએ તાજેતરમાં ઓસ્ટ્રેલિયા સામેની બીજી ટેસ્ટમાં ચોથી ઇનિંગ્સમાં શાનદાર અણનમ સદી (104*) ફટકારી હતી અને પાકિસ્તાનને હારની અણી પરથી મેચ ડ્રો કરવામાં મદદ કરી હતી.
અખ્તરે કહ્યું કે ‘રિઝવાન એ રીતે રમે છે જાણે તેના પર કોઈ દબાણ ન હોય. તે છેલ્લા કેટલાક વર્ષોથી અજાયબીઓ કરી રહ્યો છે અને ટીમના મુખ્ય સભ્ય તરીકે ઉભરી આવ્યો છે. તેણે કહ્યું કે દિવંગત શેન વોર્ન મને કહેતા હતા કે, તેં કેટલી વિકેટો લીધી છે તે વાત નથી, તમે જે રીતે રમત રમી, લોકો તમને યાદ કરશે કે તમે કેવી રમત રમી. રિઝવાન જે રીતે રમી રહ્યો છે, લોકો તેને વર્ષો સુધી યાદ રાખશે, તે ખૂબ જ સીમિત છે.
નોંધનીય છે કે પાકિસ્તાન અને ઓસ્ટ્રેલિયા વચ્ચે ત્રણ મેચની ટેસ્ટ શ્રેણીની બે ટેસ્ટ મેચ ડ્રો થયા બાદ હવે ત્રીજી અને અંતિમ ટેસ્ટ 21 માર્ચથી રમાશે. આ પછી ત્રણ મેચની વનડે સીરીઝ અને ટી20 મેચ રમાશે.