લગભગ અઢી વર્ષ બાદ ઓસ્ટ્રેલિયાની ટીમમાં વાપસી કરી રહેલા ઉસ્માન ખ્વાજાએ સિડની ટેસ્ટમાં ઈતિહાસ રચ્યો હતો. જ્યાં તેણે પ્રથમ દાવમાં 137 રન બનાવ્યા હતા, ત્યાં તેણે ઓસ્ટ્રેલિયાની બીજી ઇનિંગમાં અણનમ 101 રન ફટકારીને સદી ફટકારી હતી.
ક્રિકેટ ઈતિહાસમાં આ 87મી વખત છે જ્યારે કોઈ બેટ્સમેને બંને દાવમાં સદી ફટકારી હોય. આ સાથે જ ખ્વાજા આવું કરનાર વિશ્વનો 70મો બેટ્સમેન બની ગયો છે.
ખ્વાજા એશિઝ ટેસ્ટ મેચની બંને ઇનિંગ્સમાં સદી ફટકારનાર ઓસ્ટ્રેલિયાનો છઠ્ઠો બેટ્સમેન બન્યો છે. તેના પહેલા વોરેન બાર્ડસ્લી (1909), આર્થર મોરિસ (1947), સ્ટીવ વો (1997), મેથ્યુ હેડન (2002), અને સ્ટીવ સ્મિથ (2019) જેવા દિગ્ગજ બેટ્સમેનોએ આ સિદ્ધિ મેળવી છે.
ખ્વાજા વર્લ્ડ ટેસ્ટ ચેમ્પિયનશિપમાં ટેસ્ટની બંને ઇનિંગ્સમાં સદી ફટકારનાર ત્રીજો ખેલાડી બની ગયો છે. તેના પહેલા, સ્ટીવ સ્મિથે 2019માં બર્મિંગહામમાં રમાયેલી ટેસ્ટ મેચની બંને ઇનિંગ્સમાં અને વિશાખાપટ્ટનમમાં રોહિત શર્માએ સદી ફટકારી હતી.
એશિઝ સિરીઝના ઈતિહાસમાં 25 વર્ષ પછી એવું બન્યું છે કે જ્યારે કોઈ ખેલાડીએ નંબર-૫ પર બેટિંગ કરતા બંને દાવમાં સદી ફટકારી હોય. આ પહેલા ઈંગ્લેન્ડના ડેનિસ કોમ્પટન વર્ષ 1947માં અને ઓસ્ટ્રેલિયાના સ્ટીવ વોએ 1997માં આ કારનામું કર્યું હતું.
ખ્વાજા 74 વર્ષમાં બીજા ઓસ્ટ્રેલિયન બેટ્સમેન છે જેણે 35 વર્ષ કે તેથી વધુ ઉંમરે બંને ઇનિંગ્સમાં સદી ફટકારી હોય. તેના પહેલા મહાન બેટ્સમેન ડોન બ્રેડમેને 1948માં આ કારનામું કર્યું હતું.