આંતરરાષ્ટ્રીય ક્રિકેટમાં 100 સદી ફટકારવાનો રેકોર્ડ મહાન બેટ્સમેન સચિન તેંડુલકરના નામે છે. આ પૂર્વ ક્રિકેટરનો એક વીડિયો સોશિયલ મીડિયા પર વાયરલ થઈ રહ્યો છે. જેમાં સ્પષ્ટ દેખાઈ રહ્યું છે કે સચિન તેંડુલકર રાજસ્થાનમાં સ્ટવ પર રોટલી બનાવી રહ્યો છે.
તમને જણાવી દઈએ કે, સચિન તેંડુલકર વિશ્વના સૌથી અમીર ક્રિકેટરની યાદીમાં સામેલ છે. પરંતુ આ ખેલાડીઓ તેમની સાદગી માટે જાણીતા છે. આ પહેલા કોઈને ખ્યાલ નહોતો કે લક્ઝરી લાઈફ જીવતો આ વ્યક્તિ એકવાર જમીન પર બેસીને ચૂલા પર બનેલી રોટલીનો સ્વાદ ચાખશે.