દિલ્હી કેપિટલ્સના કેપ્ટન અંગે નિર્ણય, કોણ રહેશે કેપ્ટન અને ઉપ કેપ્ટન જાણો

ઇન્ડિયન પ્રીમિયર લીગની 14મી સીઝનમાં દિલ્હી કેપિટલ્સની કેપ્ટન્સીમાં કોઈ ફેરફાર થયો નથી. શ્રેયસ અય્યરની ઈજાને કારણે ટીમની કેપ્ટનશીપ કરવા આવેલા રિષભ પંત સમગ્ર સિઝનમાં આ જવાબદારી નિભાવતા જોવા મળશે. ટીમના સહ-માલિકે જાહેરાત કરી છે કે પંત કેપ્ટન તરીકે ટીમની સેવા ચાલુ રાખશે.

BCCI એ આ સિઝનની શરૂઆત માર્ચમાં કરી હતી પરંતુ ખેલાડીઓને બાયો બબલમાં કોરોના સંક્રમિત મળ્યા બાદ તેને મુલતવી રાખવામાં આવી હતી. 19 સપ્ટેમ્બર અને 15 ઓક્ટોબરની વચ્ચે, આ સિઝનની બાકીની મેચો હવે હાથ ધરવામાં આવી રહી છે.

ટૂર્નામેન્ટની શરૂઆત પહેલા જ, દિલ્હી ટીમના નિયમિત કેપ્ટન અય્યર ઈંગ્લેન્ડ સામે રમાયેલી શ્રેણી દરમિયાન ઈજાગ્રસ્ત થયો હતો. તેને ખભામાં ઈજા થઈ હતી જેના માટે સર્જરી કરવામાં આવી હતી. હવે તેણે ફિટનેસ પાછી મેળવી લીધી છે અને આ સિઝનની બાકીની મેચમાં રમવા માટે તૈયાર છે.