અફઘાનિસ્તાન સામેની ટી20 સિરીઝ વચ્ચે ટીમ ઈન્ડિયાને મોટો ઝટકો લાગ્યો છે. ભારતીય ટીમનો મુખ્ય સ્પિનર વરુણ ચક્રવર્તી સાઇડ સ્ટ્રેનની ઈજાના કારણે સમગ્ર ટી20 સિરીઝમાંથી બહાર થઈ ગયો છે. MRI સ્કેનમાં તેની ઈજાની પુષ્ટિ થઈ છે. વરુણની ઈજા આગામી એશિયન ગેમ્સ પહેલાં પણ ટીમ ઈન્ડિયા માટે ચિંતાનો વિષય બની છે. આવી સ્થિતિમાં હવે પસંદગીકારો તેની જગ્યાએ અન્ય ખેલાડીને ટીમમાં સામેલ કરી શકે છે.
વરુણ ચક્રવર્તીએ અફઘાનિસ્તાન સામેની સિરીઝની પ્રથમ મેચમાં વાપસી કરી હતી. તેણે ચાર ઓવરમાં માત્ર 16 રન આપીને એક વિકેટ ઝડપી હતી. જોકે, આ મેચ બાદ જ તેને ફરી ઈજા થઈ અને હવે તે આખી સિરીઝમાંથી બહાર થઈ ગયો છે. એશિયન ગેમ્સમાં પણ તેના રમવા અંગે હજુ સ્થિતિ સ્પષ્ટ નથી.
વરુણના વિકલ્પ તરીકે સૌથી આગળ કુલદીપ યાદવનું નામ છે. કુલદીપનો ટી20 આંતરરાષ્ટ્રીય રેકોર્ડ શાનદાર રહ્યો છે. તેણે ભારત માટે 54 મેચમાં 95 વિકેટ ઝડપી છે. તેની ઈકોનોમી 7થી ઓછી અને બોલિંગ એવરેજ 13.74ની છે. તે બે વખત એક ઇનિંગમાં પાંચ વિકેટ પણ લઈ ચૂક્યો છે.
બીજો વિકલ્પ ક્રુણાલ પંડ્યા હોઈ શકે છે. ક્રુણાલ મુખ્યત્વે ઓલરાઉન્ડર છે, પરંતુ ટી20 ક્રિકેટમાં તેની બોલિંગ પણ અસરકારક રહી છે. IPLમાં તેણે પોતાની બોલિંગથી અનેક બેટર્સને મુશ્કેલીમાં મૂક્યા છે. ટીમ ઈન્ડિયામાં તેના કમબેકની ચર્ચા પણ ચાલી રહી છે.
ત્રીજો વિકલ્પ મયંક યાદવ છે. ટીમ ઈન્ડિયા સ્પિનરના સ્થાને ઝડપી બોલરને તક આપવાનું પસંદ કરે તો મયંકને બેકઅપ પેસર તરીકે સામેલ કરી શકાય છે. તેની ઝડપ બેટર્સ માટે મોટો પડકાર બની શકે છે.
હવે જોવાનું રહેશે કે પસંદગીકારો વરુણના સ્થાને અનુભવી સ્પિનર પસંદ કરે છે કે યુવા ઝડપી બોલર પર વિશ્વાસ મૂકે છે.
An injury setback for Varun Chakravarthy 🤕
The India spinner is still expected to travel with the team to Japan for the Asian Games
Read more: https://t.co/vyDgWTBiKH https://t.co/VmwRhLofRO
— Cricinfo (@cricinfo) September 14, 2026