ડિફેન્ડિંગ ચેમ્પિયન મહેન્દ્ર સિંહ ધોની, વિરાટ કોહલી, રોહિત શર્મા, જસપ્રિત બુમરાહ, સુનીલ નારાયણ, આન્દ્રે રસેલ અને ગ્લેન મેક્સવેલ એ કેટલાક મોટા નામ છે જેને વર્તમાન ફ્રેન્ચાઈઝીએ ઈન્ડિયન પ્રીમિયર લીગ (આઈપીએલ) 2022 માટે જાળવી રાખવાનો નિર્ણય કર્યો છે. જ્યારે હાર્દિક પંડ્યા અને ઈશાન કિશન આ વખતે મેગા ઓક્શનમાં સામેલ થશે.
અફઘાનિસ્તાનના લેગ-સ્પિનર રાશિદ ખાને સનરાઇઝર્સ હૈદરાબાદની એક ઓફર ઠુકરાવી દીધી હોવાનું જાણવા મળે છે જેમાં તેને જાળવી રાખવામાં આવ્યો હતો. હૈદરાબાદે હવે કેન વિલિયમસન તેમજ યુવા J&K ખેલાડીઓ ઉમરાન મલિક અને અબ્દુલ સમદને જાળવી રાખ્યા છે. મતલબ કે વિલિયમસન હવે સનરાઇઝર્સનો કાયમી કેપ્ટન બની શકે છે.
મુંબઈ ઈન્ડિયન્સે કિરોન પોલાર્ડ અને સૂર્યકુમાર યાદવને જાળવી રાખ્યા હતા, તે પહેલાં જસપ્રિત બુમરાહ અને રોહિત શર્માને પણ MI દ્વારા જાળવી રાખવામાં આવ્યા હતા. મતલબ કે આ વખતે હાર્દિક પંડ્યા અને ઈશાન કિશન હરાજીમાં ભાગ લઈ શકે છે. રોયલ ચેલેન્જર્સ બેંગ્લોરે પણ ત્રણ ખેલાડીઓને રિટેન કરવાનો નિર્ણય લીધો છે. ટીમે પહેલાથી જ વિરાટ કોહલી અને ગ્લેન મેક્સવેલને પોતાની સાથે રાખ્યા હતા અને હવે ફાસ્ટ બોલર મોહમ્મદ સિરાજ પણ આરસીબી સાથે રહેશે. રાજસ્થાન રોયલ્સે સંજુ સેમસનને પોતાની સાથે રાખવાની જાહેરાત કરી હતી અને હવે જોસ બટલર અને યશસ્વી જયસ્વાલ પણ રાજસ્થાન સાથે રહેશે.
જાળવી રાખેલા ખેલાડીઓની યાદી:
– ચેન્નાઈ સુપર કિંગ્સ: રવિન્દ્ર જાડેજા, મહેન્દ્ર સિંહ ધોની, ઋતુરાજ ગાયકવાડ, મોઈન અલી
– કોલકાતા નાઈટ રાઈડર્સ: સુનીલ નારાયણ, આન્દ્રે રસેલ, વરુણ ચક્રવર્તી, વેંકટેશ ઐયર
– સનરાઇઝર્સ હૈદરાબાદ: કેન વિલિયમસન, ઉમરાન મલિક, અબ્દુલ સમદ
– મુંબઈ ઈન્ડિયન્સ: રોહિત શર્મા, જસપ્રિત બુમરાહ, સૂર્યકુમાર યાદવ અને કિરોન પોલાર્ડ
– રોયલ ચેલેન્જર્સ બેંગ્લોર: વિરાટ કોહલી, ગ્લેન મેક્સવેલ, મોહમ્મદ સિરાજ
– દિલ્હી કેપિટલ્સ: રિષભ પંત, પૃથ્વી શો, અક્ષર પટેલ, એનરિચ નોર્ટજે
– રાજસ્થાન રોયલ્સ: સંજુ સેમસન, જોસ બટલર, યશસ્વી જયસ્વાલ
– પંજાબ કિંગ્સ: મયંક અગ્રવાલ, અર્શદીપ સિંહ