ચેન્નાઈ સુપર કિંગ્સ (CSK) ના અંબાતી રાયડુએ 17 એપ્રિલે ગુજરાત ટાઇટન્સ સામે રમાયેલી મેચમાં એક ખાસ રેકોર્ડ પોતાના નામે કર્યો હતો. અંબાતી રાયડુએ IPLમાં પોતાના 4000 રન પૂરા કરી લીધા છે.
અંબાતી રાયડુએ ગુજરાત ટાઇટન્સ સામે 31 બોલમાં 46 રન બનાવ્યા હતા. જેમાં 4 ચોગ્ગા અને 2 છગ્ગાનો સમાવેશ થાય છે. અંબાતી રાયડુએ ઋતુરાજ ગાયકવાડ સાથે શાનદાર ભાગીદારી કરીને પોતાની ટીમને સંભાળી હતી. આ દરમિયાન તેણે 4 હજાર રનનો આંકડો પાર કર્યો.
IPLમાં અંબાતી રાયડુનો રેકોર્ડ:
• 181 મેચ, 169 ઇનિંગ્સ, 4044 રન, 29.30 એવરેજ,
• 1 સદી, 21 અર્ધસદી, 154 છગ્ગા, 337 ચોગ્ગા
IPLમાં સૌથી વધુ રનનો રેકોર્ડ:
1. વિરાટ કોહલી – 6402 રન
2. શિખર ધવન – 5989 રન
3. રોહિત શર્મા – 5725 રન
4. ડેવિડ વોર્નર – 5580 રન
5. સુરેશ રૈના – 5528 રન
6. એબી ડી વિલિયર્સ – 5162 રન
7. ક્રિસ ગેલ – 4965 રન
8. રોબિન ઉથપ્પા – 4919 રન
9. એમએસ ધોની – 4838 રન
10. દિનેશ કાર્તિક – 4234 રન
11. ગૌતમ ગંભીર – 4217 રન
12. અંબાતી રાયડુ – 4044 રન
13. અજિંક્ય રહાણે – 4021 રન
અંબાતી રાયડુ લાંબા સમયથી ચેન્નાઈ સુપર કિંગ્સનો ભાગ છે. અંબાતી રાયડુએ આ ટીમ માટે 67 મેચ રમી છે, જેમાં તેના નામે 1628 રન છે. અંબાતી રાયડુએ CSK માટે એક સદી અને સાત અડધી સદી ફટકારી છે.
ગુજરાત ટાઇટન્સ સામેની આ મેચમાં અંબાતી રાયડુ અને ઋતુરાજ ગાયકવાડની 96 રનની ભાગીદારીથી ટીમને 169 રન બનાવવામાં મદદ મળી હતી. આ મેચમાં ઋતુરાજ ગાયકવાડે 73 રન બનાવ્યા હતા.