ભારતીય ક્રિકેટ ટીમના પૂર્વ કેપ્ટન વિરાટ કોહલીનું બેટ છેલ્લા ઘણા મહિનાઓથી ક્રિકેટના ત્રણેય ફોર્મેટમાં મોટો સ્કોર કરવા માટે સતત સંઘર્ષ કરી રહ્યું છે.
ઇન્ડિયન પ્રીમિયર લીગ હોય કે તાજેતરની ઇંગ્લેન્ડ સામે રમાયેલી ટેસ્ટ મેચ, કોહલીના બેટને તે રન નહોતા મળ્યા જેના માટે તે જાણીતો છે. ખરાબ ફોર્મથી ઝઝૂમી રહેલા ભારતીય ક્રિકેટર માટે પૂર્વ કેપ્ટન કપિલ દેવે મોટું નિવેદન આપ્યું છે.
ભારતના ભૂતપૂર્વ કેપ્ટન કપિલ દેવનું માનવું છે કે જો રવિચંદ્રન અશ્વિન જેવા પ્રતિભાશાળી બોલરને ટેસ્ટ ટીમની પ્લેઈંગ ઈલેવનમાંથી બહાર કરી શકાય છે, તો ટી-20 ટીમમાં લાંબા સમયથી સંઘર્ષ કરી રહેલા વિરાટ કોહલીને પડતો મૂકવો એ મોટી વાત નથી.
કોહલી લગભગ ત્રણ વર્ષથી મોટી ઇનિંગ્સ રમવા માટે સંઘર્ષ કરી રહ્યો છે. ભારતને પ્રથમ વખત વિશ્વ ચેમ્પિયન બનાવનાર ઓલરાઉન્ડર કેપ્ટનને લાગે છે કે જો તેઓ પોતાની કુશળતા દર્શાવવા માટે શાનદાર લયમાં રહેલા ખેલાડીઓને પૂરતી તકો નહીં આપે તો તે ભારતીય ટીમ મેનેજમેન્ટ સાથે અન્યાય થશે.
કપિલે પીટીઆઈને કહ્યું, ‘જો તમે ટેસ્ટમાં બીજા સર્વશ્રેષ્ઠ બોલર અશ્વિનને ટીમમાંથી બહાર કરી શકો છો, તો વિશ્વનો નંબર વન પણ બહાર બેસી શકે છે’. હું ઈચ્છું છું કે કોહલી રન બનાવે, પરંતુ અત્યારે વિરાટ કોહલી એ રીતે નથી રમી રહ્યો જે રીતે આપણે તેને ઓળખીએ છીએ. જો તે પ્રદર્શન ન કરે તો તમે નવા ખેલાડીઓને બહાર રાખી શકતા નથી.
કપિલે કહ્યું હતું કે વિરાટને વેસ્ટ ઈન્ડિઝના પ્રવાસથી વિરામ આપવા માટે તેને ટીમમાંથી બહાર કરવાનો વિચાર કરવો જોઈએ. તેણે કહ્યું, ‘જો તમે ઇચ્છો, તો તમે તેને આરામ કહી શકો છો અથવા તમે તેને ટીમમાંથી બહાર કરી શકો છો.