ભારત અને પાકિસ્તાન બંનેના ચાહકો ક્રિકેટમાં ખેલાડીઓના રેકોર્ડ અને પ્રદર્શનને લઈને સોશિયલ મીડિયા પર એકબીજા સાથે દલીલ કરી શકે છે, પરંતુ ખેલાડીઓ પોતે ક્યારેય એકબીજાને ટ્રોલ કરીને સારું વર્તન કરતા નથી.
તાજેતરમાં જ પાકિસ્તાનના કેપ્ટન બાબર આઝમે પોતાના ટ્વિટર એકાઉન્ટ પરથી ટ્વીટ કરીને લાંબા સમયથી પોતાના ફોર્મને લઈને ટીકાનો સામનો કરી રહેલા વિરાટ કોહલીના સમર્થનમાં સામે આવ્યો હતો. બાબર આઝમે 2021 T20 વર્લ્ડ કપ દરમિયાન તેની અને વિરાટની એક તસવીર શેર કરી અને લખ્યું, ‘મજબૂત રહો. આ સમય પણ પસાર થઈ જશે.’
બાબર આઝમની આ ટ્વીટ સોશિયલ મીડિયા પર ચર્ચાનો વિષય બની હતી. હવે આ ટ્વિટના એક દિવસ પછી, વિરાટ કોહલી, જે સોશિયલ મીડિયા પર કોઈ પણ ટ્વિટનો જવાબ નથી આપતો અથવા બહુ ઓછો જવાબ આપે છે, તેણે બાબર આઝમના આ ટ્વિટનો જવાબ આપ્યો. વિરાટના આ જવાબે ક્રિકેટ જગતમાં બધાને ચોંકાવી દીધા હતા.
આ ટ્વીટનો જવાબ આપતા વિરાટે લખ્યું, ‘આભાર, ચમકતા રહો અને નવી ઊંચાઈઓ હાંસલ કરો. તમારા ભવિષ્ય માટે શુભેચ્છાઓ. આ ટ્વીટ બાદ સોશિયલ મીડિયા પર ફેન્સ વિરાટના આ કામના વખાણ કરી રહ્યા છે.
Thank you. Keep shining and rising. Wish you all the best 👏
— Virat Kohli (@imVkohli) July 16, 2022