પોતાની કેપ્ટનશીપમાં ભારત માટે ત્રણ ICC ટ્રોફી જીતનાર મહેન્દ્ર સિંહ ધોની છેલ્લા બે અઠવાડિયાથી લંડનમાં એન્જોય કરી રહ્યો છે. પૂર્વ કેપ્ટન ધોની તેની લગ્નની વર્ષગાંઠ પહેલા ઈંગ્લેન્ડ પહોંચ્યો હતો, જ્યાં તેણે તેના પરિવાર અને મિત્રો સાથે ઉજવણી કરી હતી.
તેની 10મી વર્ષગાંઠના થોડા દિવસો બાદ ધોનીએ તેનો 41મો જન્મદિવસ પણ ઉજવ્યો. આ પ્રસંગે ધોની સાથે કેટલાક ભારતીય ક્રિકેટરો પણ હાજર હતા.
ધોની હાલમાં ઈંગ્લેન્ડમાં છે, જ્યાં તે ભારત અને ઈંગ્લેન્ડ વચ્ચે ચાલી રહેલી મેચની મજા માણી રહ્યો છે. તેણે ભારત અને ઈંગ્લેન્ડ વચ્ચેની બીજી T20I પછી ભારતીય ટીમના ડ્રેસિંગ રૂમની પણ મુલાકાત લીધી હતી અને ત્રીજી મેચ દરમિયાન સ્ટેડિયમમાં પણ હાજર હતો. પ્રથમ વનડે સિવાય ધોની લોર્ડ્સમાં રમાયેલી બીજી વનડે દરમિયાન પણ સ્ટેડિયમમાં હાજર હતો. જો કે હવે તે ત્રીજી વનડે માટે માન્ચેસ્ટર જાય છે કે નહીં તે જોવું રસપ્રદ રહેશે.
ધોનીના ફેન ફોલોઅર્સની કોઈ સીમા નથી કારણ કે દુનિયાભરમાં તેના કરોડો ચાહકો છે. હાલમાં જ તે લંડનના રસ્તાઓ પર જોવા મળ્યો હતો, જ્યાં ચાહકો તેની સાથે સેલ્ફી લેવા માટે તેને ફોલો કરતા હતા. સોશિયલ મીડિયા પર કેટલાક ફોટો અને વીડિયો વાયરલ થઈ રહ્યા છે, જેમાં ફેન્સ ધોની સાથે સેલ્ફી લેવા માટે તેની પાછળ દોડી રહ્યા છે. જોકે, માહી ત્યાંથી જતો રહે છે. ધોનીનો પીછો કરતા ચાહકોનો વીડિયો હવે સોશિયલ મીડિયા પર વાયરલ થઈ રહ્યો છે.
MS Dhoni in the streets of London ❤️🔥#MSDhoni pic.twitter.com/FWPu0sMBpJ
— Chakri Dhoni (@ChakriDhoni17) July 15, 2022
ધોનીએ 2020માં આંતરરાષ્ટ્રીય ક્રિકેટમાંથી નિવૃત્તિ લીધી હતી અને હવે તે માત્ર IPLમાં રમે છે. તેણે પોતાની કપ્તાનીમાં ચેન્નાઈ સુપર કિંગ્સ ચાર વખત ચેમ્પિયન બનાવી છે. ધોનીએ પુષ્ટિ કરી છે કે તે આવતા વર્ષે પણ IPLમાં CSK તરફથી રમશે.