કેન વિલિયમસને ન્યુઝીલેન્ડ ક્રિકેટ ટીમની ટેસ્ટ કેપ્ટનશીપ છોડવાનો નિર્ણય લીધો છે. ટીમે નવા કેપ્ટન તરીકે ટિમ સાઉથીના નામની જાહેરાત કરી હતી.
વિલિયમસને માત્ર ટેસ્ટ કેપ્ટનશીપ છોડી દીધી છે, તે ODI અને T20 ફોર્મેટમાં કેપ્ટન તરીકે ચાલુ રહેશે.
અનુભવી ઝડપી બોલર ટિમ સાઉથીને નવા ટેસ્ટ કેપ્ટન તરીકે નિયુક્ત કરવામાં આવ્યા છે. વિલિયમસનની ગેરહાજરીમાં આંતરરાષ્ટ્રીય સ્તરે પણ સુકાની તરીકે ટૉમ લાથમને વાઇસ-કેપ્ટન બનાવવામાં આવ્યો હતો. ટિમ સાઉથીએ 346 આંતરરાષ્ટ્રીય મેચ રમી છે, તેણે 22 ટી20 મેચોમાં ટીમની કેપ્ટનશીપ કરી છે. ટિમ સાઉથી ન્યૂઝીલેન્ડ ક્રિકેટ ટીમનો 31મો ટેસ્ટ કેપ્ટન બની ગયો છે.
વિલિયમસને ટેસ્ટ કેપ્ટનશીપ છોડવા અંગે કહ્યું કે, આ નિર્ણય માટે આ યોગ્ય સમય છે. મેં ટેસ્ટ ટીમની કેપ્ટનશીપ કરી, તે મારા માટે સૌભાગ્યની વાત હતી. મારા માટે, ટેસ્ટ ક્રિકેટ સર્વોચ્ચ ક્રમનું છે, અને મેં તેની કેપ્ટનશિપનો પડકાર માણ્યો છે. કેપ્ટન તરીકે તમારું કામ, કામનો બોજ વધે. મારી કારકિર્દીના આ તબક્કે, મને લાગ્યું કે ટેસ્ટ કેપ્ટનશીપ છોડવાનો આ યોગ્ય સમય છે.
બ્રેન્ડન મેક્કુલમ બાદ કેન વિલિયમસને 2016માં ટીમની ટેસ્ટ કેપ્ટનશીપ સંભાળી હતી. તેણે 38 વખત ટીમની કેપ્ટનશીપ કરી, જેમાંથી તેણે 22 વખત ટીમને જીત અપાવી અને 8 વખત ડ્રો કરી. વિલિયમસનની કપ્તાની હેઠળ, ન્યુઝીલેન્ડે ભારતને હરાવીને ટેસ્ટ ચેમ્પિયનશિપની પ્રથમ આવૃત્તિ જીતી હતી.
Squad News | The first Test against @TheRealPCB starts in Karachi on Boxing Day.
More | https://t.co/cZdpKGOgNJ #PAKvNZ pic.twitter.com/urDBlmAURT
— BLACKCAPS (@BLACKCAPS) December 14, 2022