આ ભારતીય વિકેટ કીપર બેટ્સમેન વાપસીની કરી રહ્યો છે દમદાર તૈયારી

ભારતનો મહત્વનો બેટ્સમેન કેએલ રાહુલ IPLમાં ઈજાગ્રસ્ત થયો હતો. તે માત્ર આઈપીએલ જ નહીં પરંતુ વર્લ્ડ ટેસ્ટ ચેમ્પિયનશિપમાંથી પણ બહાર થઈ ગયો હતો. તેની સર્જરી સફળતાપૂર્વક કરવામાં આવી છે, હવે તે બેંગ્લોર સ્થિત એનસીએ (નેશનલ ક્રિકેટ એકેડમી)માં રિહેબ કરશે. કેએલ રાહુલ એશિયા કપ (એશિયા કપ 2023 ઈન્ડિયા સ્ક્વોડ) માટે ભારતીય ટીમમાં સામેલ થઈને પુનરાગમન કરી શકે છે.

લોકેશ રાહુલ આઈપીએલમાં લખનૌ સુપર જાયન્ટ્સની કેપ્ટનશીપ કરી રહ્યો હતો. તેને જાંઘમાં ઈજા થઈ હતી, જેના પછી તે સમગ્ર આઈપીએલ સિઝનમાંથી બહાર થઈ ગયો હતો. તેણે સોશિયલ મીડિયા પર એક ઈમોશનલ પોસ્ટ પણ મૂકી હતી. તેની સર્જરી કરાવવાની હતી, જે હવે થઈ ગઈ છે. રાહુલ IPL બાદ WTC ફાઈનલમાંથી પણ બહાર થઈ ગયો હતો. ઓસ્ટ્રેલિયા ક્રિકેટ ટીમે WTC ફાઇનલમાં ભારતને હરાવીને ટાઈટલ જીત્યું છે. લાંબા સમયથી ક્રિકેટથી દૂર રહેલો રાહુલ હવે વાપસી કરી શકે છે.