પાકિસ્તાન ક્રિકેટ બોર્ડ (PCB) એ આજે એટલે કે 22 સપ્ટેમ્બરે ભારતમાં યોજાનારા ICC ODI વર્લ્ડ કપ માટે પાકિસ્તાની ટીમની જાહેરાત કરી છે.
મુખ્ય પસંદગીકાર ઇન્ઝમામ ઉલ હકે બાબર આઝમની આગેવાની હેઠળ 15 ખેલાડીઓની ટીમની જાહેરાત કરી છે, જ્યારે 3 ખેલાડીઓને પ્રવાસી અનામત તરીકે પસંદ કર્યા છે. પાકિસ્તાન માટે મોટો આંચકો એ હતો કે નસીમ શાહ ઈજાના કારણે વર્લ્ડ કપમાંથી બહાર થઈ ગયો હતો. તેની જગ્યાએ હસન અલીને તક મળી છે.
એશિયા કપ 2023ના સુપર-4માં ભારત સામેની મેચ દરમિયાન નસીમ શાહને ખભામાં ઈજા થઈ હતી. આ ઈજાને કારણે, તે ન તો ભારત સામે તેના સંપૂર્ણ ક્વોટાની ઓવરો ફેંકી શક્યો ન હતો અને ન તો તે શ્રીલંકા સામેની આગામી મેચ રમી શક્યો. તમને જણાવી દઈએ કે, શ્રીલંકા સામે હાર્યા બાદ જ પાકિસ્તાન એશિયા કપની ફાઈનલની રેસમાંથી બહાર થઈ ગયું હતું.
પાકિસ્તાન વર્લ્ડ કપ 2023 ટીમ- બાબર આઝમ (કેપ્ટન), શાદાબ ખાન (વાઈસ-કેપ્ટન), ફખર ઝમાન, ઈમામ ઉલ હક, અબ્દુલ્લા શફીક, મોહમ્મદ રિઝવાન, ઈફ્તિખાર અહેમદ, આગા સલમાન, સઈદ શકીલ, મોહમ્મદ નવાઝ, શાહીન આફ્રિદી, હરિસ રઉફ , હસન અલી, ઉસામા મીર, મોહમ્મદ વસીમ જુનિયર.
સ્ટેન્ડ બાય: અબરાર અહેમદ, જમાન ખાન, મોહમ્મદ હરિસ
Pakistan unveil squad for the World Cup campaign 🇵🇰💪
More details ➡️ https://t.co/hanhk17ACZ#WeHaveWeWill | #CWC23 pic.twitter.com/HY9cWDGnQn
— Pakistan Cricket (@TheRealPCB) September 22, 2023