પાકિસ્તાન ક્રિકેટ ટીમના કેપ્ટન બાબર આઝમે ફરી એકવાર ટ્રાફિક નિયમોનું ઉલ્લંઘન કર્યું છે. પાકિસ્તાન ટ્રાફિક પોલીસે બાબરને પકડીને ચલણ જારી કર્યું, જેની તસવીર સોશિયલ મીડિયા પર વાયરલ થઈ રહી છે.
એવો દાવો કરવામાં આવી રહ્યો છે કે બાબરને ઓવર સ્પીડિંગ માટે ચલણ જારી કરવામાં આવ્યું છે. મીડિયા રિપોર્ટ્સ અનુસાર, બાબરે લાહોરમાં ઓડી કારમાં હાઈવે પર ઓવર સ્પીડ કરી હતી.
બાબરને પોલીસના હાથે પકડવા અંગે યુઝર્સ પોતપોતાની શૈલીમાં પ્રતિક્રિયા આપી રહ્યા છે. એક યુઝરે લખ્યું, “બાબર આઝમ ઔર ચલણ – લવ સ્ટોર ચાલુ છે.” બીજાએ કહ્યું, “એવું લાગે છે કે બાબર વર્લ્ડ કપ 2023માં રમવા માટે તેની કારમાં અટારી-વાઘા બોર્ડર પાર કરવાનો પ્રયાસ કરી રહ્યો હતો.” તમને જણાવી દઈએ કે ICC ODI ભારતમાં 5 ઓક્ટોબરથી વર્લ્ડ કપ શરૂ થવા જઈ રહ્યો છે. પાકિસ્તાન તેની પ્રથમ મેચ 6 ઓક્ટોબરે રમવાનું છે.
ચાર મહિનામાં બીજી વખત બાબર પોલીસના હાથે ઝડપાયો છે. મે મહિનામાં, બાબરને લાહોર પોલીસે અટકાવ્યો હતો કારણ કે તેની કારની નંબર પ્લેટ નાની હતી. ત્યારબાદ અધિકારીએ બાબરને નંબર પ્લેટની સાઈઝ સ્ટાન્ડર્ડ પ્રમાણે બનાવવા કહ્યું.
આ પછી અધિકારીએ બાબર સાથે સેલ્ફી પણ લીધી, જે વાયરલ થઈ. જો કે ત્યાર બાદ બાબરે સોશિયલ મીડિયા પર આ મામલે પોતાનો ખુલાસો રજૂ કર્યો હતો.
Babar Azam and Challan – Love story continues 😂😬#BabarAzam #BabarAzam𓃵 pic.twitter.com/nc7aCbnc82
— Waqar Younas (@waqar_younas158) September 25, 2023