આઈપીએલ 2024ની તૈયારીઓ હાલ પૂરજોશમાં ચાલી રહી છે. આ અંગે બીસીસીઆઈ દ્વારા અપડેટ પણ આપવામાં આવી રહી છે. ખેલાડીઓ ભલે અહીં અને ત્યાં પોતપોતાની ટીમો માટે રમતા હોય, પરંતુ ઈન્ડિયન પ્રીમિયર લીગની ફ્રેન્ચાઈઝીનું સંપૂર્ણ ધ્યાન તેમની તૈયારી પર છે.
આ દરમિયાન એક વખતની IPL ચેમ્પિયન ગુજરાત ટાઇટન્સને મોટો ફટકો પડ્યો છે. થોડા સમય પહેલા જ એ વાત સામે આવી છે કે ટીમનો ફાસ્ટ બોલર મોહમ્મદ શમી IPLની આખી સિઝનમાંથી બહાર થઈ શકે છે. જો કે, અહીં સ્પષ્ટતા કરીએ કે BCCI અને ગુજરાત ટાઇટન્સ દ્વારા આ સંબંધમાં કંઇ કહેવામાં આવ્યું નથી. ન તો મોહમ્મદ શમીનું પોતાનું નિવેદન આવ્યું છે.
વર્લ્ડ કપ બાદ તેને આરામ આપવામાં આવ્યો હતો જેથી તે પોતાની ઈજામાંથી બહાર આવી શકે. એવું માનવામાં આવતું હતું કે IPL 2024 પહેલા તે સંપૂર્ણ રીતે ફિટ થઈ જશે અને રમતા જોવા મળશે. ઈન્ડિયન પ્રીમિયર લીગ શરૂ થવામાં હજુ લગભગ એક મહિનો બાકી છે, પરંતુ આ દરમિયાન પીટીઆઈને ટાંકીને સમાચાર સામે આવ્યા છે કે મોહમ્મદ શમી સમગ્ર આઈપીએલ સિઝનમાંથી બહાર થઈ શકે છે.
મોહમ્મદ શમી પાસે આઈપીએલનો લાંબો અનુભવ છે. શમી IPLમાં KKR, દિલ્હી કેપિટલ્સ, પંજાબ કિંગ્સ તરફથી રમી ચૂક્યો છે. હવે તે જીટી એટલે કે ગુજરાત ટાઇટન્સ તરફથી રમતા જોવા મળશે. 2013માં IPLમાં ડેબ્યૂ કરનાર મોહમ્મદ શમીએ અત્યાર સુધી 110 મેચમાં 127 વિકેટ ઝડપી છે.
India pacer Mohammed Shami ruled out of IPL due to left ankle injury which would require surgery in the UK: BCCI source tells PTI
— Press Trust of India (@PTI_News) February 22, 2024
The vibrant colors,the chanting devotees, the serene Atmosphere of kaliyar sharif dargah left me awestruck .A truly transformative visit..#shami #mdshami #kaliyarsarif #dargah #mdshami11 pic.twitter.com/iKaudktIEW
— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) February 22, 2024