ભારત સામે પાંચમી ટેસ્ટ એક ઇનિંગ અને 64 રને હાર્યા બાદ અને 4-1ની શ્રેણીમાં હારનો સામનો કર્યા પછી, ઇંગ્લેન્ડના કેપ્ટન બેન સ્ટોક્સે સ્વીકાર્યું હતું કે તેમની ટીમે ટેસ્ટમાં પુનરાગમન કર્યું છે પરંતુ તે ગતિ જાળવી શકી નથી.
બેન સ્ટોક્સે મેચ બાદ કહ્યું હતું કે, સીરીઝ હવે પૂરી થઈ ગઈ છે. પ્રથમ ટેસ્ટથી જ અમે શ્રેષ્ઠ ટીમ સાથે રમી રહ્યા હતા. અમે અમારા પ્રદર્શન પર ધ્યાન કેન્દ્રિત કરીશું કારણ કે અમારી પાસે ન્યૂઝીલેન્ડ અને પાકિસ્તાન સામે શ્રેણી છે. અમે આ શ્રેણીમાંથી સકારાત્મકતા લઈશું. જો મોટા રન ન બને તો મને તેની ચિંતા ન હતી. અમે ટેસ્ટમાં પુનરાગમન કર્યું પરંતુ તે ગતિ જાળવી શક્યા નહીં.
કેપ્ટને કહ્યું, “અમારા ખેલાડીઓ શાનદાર ક્રિકેટ રમ્યા. હૈદરાબાદ બાદ જ્યારે ભારત બોલિંગમાં ટોપ પર રહ્યું ત્યારે અમારા પર દબાણ હતું. અશ્વિન સહિત તેમની ટીમના ક્વોલિટી બોલરો શાનદાર છે, સ્વીપ અમારા માટે કામ ન કરી શક્યા, અમે જોખમ ઉઠાવ્યું અને અમારી વિકેટો ગુમાવી.”
સ્ટોક્સે કહ્યું, “જો આપણે આ શ્રેણીના સકારાત્મકતા વિશે વાત કરીએ તો અમને બશીર, જેક ક્રાઉલી જેમણે આ શ્રેણીમાં શાનદાર બેટિંગ કરી છે. એન્ડરસને તેની 700મી વિકેટ લેવી ખરેખર એક મહાન સિદ્ધિ છે, જ્યાં ઝડપી બોલરો આટલી ઉંમર સુધી રમી શકતા નથી. તેને જોઈને ખરેખર આનંદ થયો.”