ઈંગ્લેન્ડના ભૂતપૂર્વ ખેલાડી ગ્રેહામ થોર્પનું નિધન થયું છે. તેઓ લાંબા સમયથી બીમાર હતા. હવે ઈંગ્લેન્ડ અને વેલ્સ ક્રિકેટ બોર્ડે એક સત્તાવાર નિવેદનમાં તેમના મૃત્યુની પુષ્ટિ કરી છે.
તેમણે ઈંગ્લેન્ડની ટીમ માટે 100 થી વધુ ટેસ્ટ મેચ રમી અને ઘણી મેચો પોતાના દમ પર જીતી. તેમના નિધનથી ક્રિકેટ જગતને ખોટ પડી છે.
ઈંગ્લેન્ડ અને વેલ્સ ક્રિકેટ બોર્ડે સોશિયલ મીડિયા પ્લેટફોર્મ પર ટ્વીટ કર્યું અને લખ્યું કે ગ્રેહામ થોર્પનું નિધન થયાના સમાચાર શેર કરતા અમને ખૂબ જ દુઃખ થાય છે. ગ્રેહામના અવસાનથી આપણે ઊંડો આઘાત અનુભવીએ છીએ. તે ક્રિકેટ પરિવારનો પ્રિય સભ્ય હતો. તેની ગણતરી ઈંગ્લેન્ડના અત્યાર સુધીના સર્વશ્રેષ્ઠ બેટ્સમેનોમાં થતી હતી. વિશ્વભરના તમામ ચાહકો દ્વારા તેમનું સન્માન કરવામાં આવે છે. 13 વર્ષની આંતરરાષ્ટ્રીય કારકિર્દીમાં તેની ક્ષમતાઓ અને સિદ્ધિઓએ તેના સાથી ખેલાડીઓ, ઈંગ્લેન્ડ અને સમર્થકોને ખૂબ આનંદ આપ્યો.
ગ્રેહામ થોર્પે વર્ષ 1993માં ઈંગ્લેન્ડ માટે ડેબ્યૂ કર્યું હતું. આ પછી તેણે ઈંગ્લેન્ડ માટે 100 ટેસ્ટ મેચ રમી અને 16 સદી સહિત કુલ 6774 રન બનાવ્યા. આ સિવાય તેણે 82 ODI મેચમાં 2,380 રન બનાવ્યા છે. કાઉન્ટી સ્તરે પણ તે એક મહાન ખેલાડી હતો. થોર્પે ફર્સ્ટ-ક્લાસ ક્રિકેટમાં સરે માટે 21,937 રન બનાવ્યા, જેમાં 49 સદી અને 45.04ની સરેરાશનો સમાવેશ થાય છે. તેની કારકિર્દી 13 વર્ષ લાંબી છે.
It is with great sadness that we share the news that Graham Thorpe, MBE, has passed away.
There seem to be no appropriate words to describe the deep shock we feel at Graham's death. pic.twitter.com/VMXqxVJJCh
— England and Wales Cricket Board (@ECB_cricket) August 5, 2024