ભારતીય કેપ્ટન તરીકે શ્રીલંકા સામે હાર બાદ શિખરના નામે આ ખરાબ રેકોર્ડ બન્યો

2010માં રૈનાએ સુકાની તરીકે ઝિમ્બાબ્વેમાં પ્રથમ ટી-20 આઇ સિરીઝ જીતી હતી……

શ્રીલંકા પ્રવાસ પર ટી-20 શ્રેણીમાં ભારતીય ક્રિકેટ ટીમને હારનો સામનો કરવો પડ્યો હતો. ગુરુવારે રમાયેલી ત્રણ મેચની શ્રેણીની છેલ્લી મેચમાં ટીમ ઇન્ડિયાની નબળી બેટિંગ સ્થિતિએ તેને શરમજનક હાર સહન કરવી પડી. પ્રથમ બેટિંગ કરતા ભારતીય ટીમ માત્ર 81 રન જ બનાવી શકી હતી. શ્રીલંકાએ સરળતાથી આ લક્ષ્ય 14.3 ઓવરમાં 3 વિકેટના નુકસાને હાંસલ કરી લીધું અને શ્રેણી 2-1થી જીતી લીધી.

શ્રીલંકા પ્રવાસ પર પ્રથમ વખત કેપ્ટન તરીકે ભારતીય ટીમનું નેતૃત્વ કરનારા શિખર ધવને વનડે શ્રેણી જીતી હતી પરંતુ ટી-20માં આ પરાક્રમનું પુનરાવર્તન કરી શક્યા ન હતા. તે ભારત માટે T20I સિરીઝમાં કેપ્ટનશિપમાં પદાર્પણ કરતી વખતે હારનાર પ્રથમ કેપ્ટન બન્યો છે. અગાઉ, ભારત તરફથી કોઈ પણ કેપ્ટન તેની પ્રથમ ટી-20 શ્રેણીમાં ક્યારેય હાર્યો ન હતો. વીરેન્દ્ર સહેવાગથી લઈને રોહિત શર્મા સુધી, જેમણે પણ ભારતની કેપ્ટન્સીની પ્રથમ શ્રેણી જીતી.

ટી -20 શ્રેણીમાં પહેલીવાર કેપ્ટનશિપ કરતી વખતે ધવન શ્રેણી ગુમાવનાર ભારતનો એકમાત્ર કેપ્ટન બન્યો છે. સેહવાગે પહેલીવાર 2006માં દક્ષિણ આફ્રિકા સામે કપ્તાની પદ સંભાળી અને જીત મેળવી. પૂર્વ કેપ્ટન મહેન્દ્ર સિંહ ધોનીએ 2007ના વર્લ્ડકપમાં ટી-20 ટીમની કેપ્ટનશીપ મેળવી અને ટુર્નામેન્ટ જીતીને ઈતિહાસ રચ્યો. 2010માં સુરેશ રૈનાએ સુકાની તરીકે ઝિમ્બાબ્વેમાં પ્રથમ ટી-20 આઇ સિરીઝ જીતી હતી.