લંડનના કેનિંગ્ટન ઓવલ ખાતે રમાયેલી ત્રણ મેચની ટેસ્ટ શ્રેણીની છેલ્લી મેચમાં શ્રીલંકાએ ઈંગ્લેન્ડને 8 વિકેટે હરાવ્યું હતું. જોકે, ઈંગ્લેન્ડે 2-1થી શ્રેણી જીતી લીધી હતી. આ જીત સાથે શ્રીલંકા વર્લ્ડ ટેસ્ટ ચેમ્પિયનશિપ (WTC)માં 5માં સ્થાને પહોંચી ગયું છે.
શ્રીલંકાની જીતથી તેઓ વર્લ્ડ ટેસ્ટ ચેમ્પિયનશિપ પોઈન્ટ ટેબલમાં 42.86 PCT (પોઈન્ટ પર્સેન્ટેજ સિસ્ટમ) સાથે પાંચમા સ્થાને પહોંચી ગયા છે. જ્યારે ઈંગ્લેન્ડ 42.18 PCT સાથે છઠ્ઠા સ્થાને સરકી ગયું છે. ભારતીય ટીમ વર્લ્ડ ટેસ્ટ ચેમ્પિયનશિપના પોઈન્ટ ટેબલમાં 68.52 PCT સાથે ટોચ પર છે. ઓસ્ટ્રેલિયા 62.5 ટકા સાથે બીજા સ્થાને છે જ્યારે ન્યુઝીલેન્ડ 50 ટકા સાથે ત્રીજા સ્થાને છે.
પાકિસ્તાન સામે 2-0થી જીત મેળવ્યા બાદ બાંગ્લાદેશ WTC સ્ટેન્ડિંગમાં ચોથા સ્થાને પહોંચી ગયું છે. ઇંગ્લેન્ડ પ્રથમ બે ટેસ્ટમાં શ્રીલંકા સામે સતત જીત સાથે 5માં સ્થાને પહોંચી ગયું છે. જો કે, અંતિમ ટેસ્ટમાં તેમની હારને કારણે તેમનું PCT ઘટીને 42.18 થઈ ગયું, જેણે તેમની સ્થિતિ પર મોટી અસર કરી અને તેમને છઠ્ઠા સ્થાને ધકેલી દીધા. દક્ષિણ આફ્રિકા, પાકિસ્તાન અને વેસ્ટ ઈન્ડિઝ હાલમાં વર્લ્ડ ટેસ્ટ ચેમ્પિયનશિપ સ્ટેન્ડિંગમાં અનુક્રમે 7મા, 8મા અને 9મા ક્રમે છે.
ટોસ હારીને પ્રથમ બેટિંગ કરતા ઈંગ્લેન્ડે પ્રથમ દાવમાં 325 રન બનાવ્યા હતા. જવાબમાં શ્રીલંકાની પ્રથમ ઈનિંગ 263 રનમાં સમેટાઈ ગઈ હતી. બીજી ઈનિંગમાં ઈંગ્લેન્ડ 156ના સ્કોર પર સમેટાઈ ગયું હતું. 219 રનના લક્ષ્યાંકનો પીછો કરવા ઉતરેલી શ્રીલંકાની ટીમે 40.3 ઓવરમાં 2 વિકેટ ગુમાવીને મેચ હાંસલ કરી લીધી હતી.
"India is at the top of the WTC points table"#INDvsBAN #Australia #worldtestchampionship #CricketUpdate #cricketnews #cricketlovers pic.twitter.com/GfLmmV1qjv
— CricInformer (@CricInformer) September 10, 2024