ઓમાન અને યુએઈમાં યોજાનારા ટી 20 વર્લ્ડ કપ 2021 માટે ઓસ્ટ્રેલિયાની ટીમ જાહેર કરવામાં આવી છે. પસંદગીકારોએ ટીમના સ્ટાર ખેલાડીઓને ટીમમાં પાછા મેળવ્યા છે. એરોન ફિન્ચને ટીમના કેપ્ટન બનાવવામાં આવ્યા છે, જોકે તે ઘૂંટણની સર્જરીથી સ્વસ્થ થઈ રહ્યો છે.
પેટ કમિન્સ, ડેવિડ વોર્નર, માર્કસ સ્ટોઈનિસ, ગ્લેન મેક્સવેલ અને કેન રિચાર્ડસન વેસ્ટ ઈન્ડિઝ અને બાંગ્લાદેશ સામેની શ્રેણીમાંથી બહાર થઈ ગયા બાદ હવે ટીમમાં સ્થાન મેળવ્યું છે.
પસંદગીકારોએ અનકેપ્ડ ખેલાડી જોશ ઇંગ્લિસને પણ ટીમમાં સામેલ કર્યો છે. જોશ વિકેટકીપર બેટ્સમેન છે. તેનું નામ એલેક્સ કેરીના સ્થાને રાખવામાં આવ્યું છે. કેરીએ તાજેતરમાં બાંગ્લાદેશ સામેની વનડે શ્રેણીમાં પોતાની ટીમની કમાન સંભાળી હતી.
ઇંગ્લેન્ડમાં વાઇટાલિટી ટી-20 બ્લાસ્ટમાં સૌથી વધુ રન બનાવનાર ઇંગ્લિસ હતો. પસંદગીકારોના ચેરમેન જ્યોર્જ બેઈલીએ કહ્યું, “અમારી પાસે વિવિધ ભૂમિકાઓમાં વિશ્વના કેટલાક શ્રેષ્ઠ ખેલાડીઓ છે, તેમનો અનુભવ અમને ટી-20માં શ્રેષ્ઠ ટીમ બનાવી શકે છે.”
Australia have named their #T20WorldCup squad 👇
— cricket.com.au (@cricketcomau) August 19, 2021
ટી 20 વર્લ્ડ કપ ટીમ- એરોન ફિન્ચ (કેપ્ટન), પેટ કમિન્સ (વાઈસ કેપ્ટન), એશ્ટન અગર, જોશ હેઝલવુડ, જોશ ઈંગ્લીસ, મિશેલ માર્શ, ગ્લેન મેક્સવેલ, કેન રિચાર્ડસન, સ્ટીવ સ્મિથ, મિશેલ સ્ટાર્ક, માર્કસ સ્ટોઈનિસ, મેથ્યુ વેડ, ડેવિડ વોર્નર, એડમ ઝમ્પા.
રિઝર્વ ખેલાડીઓ – ડેન ક્રિશ્ચિયન, ડેનિયલ સેમ્સ અને નાથન એલિસ