ટ્રેવિસ હેડના સ્થાને ઇમ્પેક્ટ પ્લેયર તરીકે આવનાર મલિંગાએ ફિલ્ડિંગ અને બોલિંગ બંનેમાં શાનદાર પ્રદર્શન કર્યું. મલિંગાએ પહેલા KKRના કેપ્ટન અજિંક્ય રહાણેને કેચ કર્યો, પછી કેમેરોન ગ્રીન (2) અને તેજસ્વી બેટ્સમેન અંગક્રિશ રઘુવંશી (29 બોલમાં 52) ને રન આઉટ કર્યા. તેણે રમનદીપ સિંહ અને સુનીલ નારાયણને પણ પોતાની બે ઓવરમાં 14 રન આપીને આઉટ કર્યા.
મલિંગા IPL મેચમાં બે કે તેથી વધુ વિકેટ લેનાર અને બે કે તેથી વધુ ખેલાડીઓને રન આઉટ કરનાર ઇતિહાસનો ત્રીજો ખેલાડી બન્યો. તેના પહેલા ફક્ત યુવરાજ સિંહ અને દીપક ચહર જ આ સિદ્ધિ મેળવી શક્યા હતા.
ઉલ્લેખનીય છે કે, હૈદરાબાદે આ મેચમાં KKRને 65 રનથી હરાવ્યું હતું. આ KKRનો સતત બીજો પરાજય હતો અને બે મેચમાં હૈદરાબાદનો પ્રથમ વિજય હતો.
પહેલા બેટિંગ કરવા ઉતરેલા હૈદરાબાદે 8 વિકેટ ગુમાવીને 226 રન બનાવ્યા. જવાબમાં, KKR ૧૬ ઓવરમાં ૧૬૧ રનમાં ઓલઆઉટ થઈ ગયું. જેમાં અંગક્રિશ રઘુવંશીએ ૨૯ બોલમાં ૫૨ રન, ફિન એલને ૭ બોલમાં ૨૮ રન બનાવ્યા.