પ્લેઓફ માટે ક્વોલિફાય કરનાર Rajasthan Royalsના ખેલાડીઓનો એક મજેદાર વીડિયો સોશિયલ મીડિયા પર ઝડપથી વાયરલ થઈ રહ્યો છે. ટીમના કેપ્ટન Riyan Parag અને યુવા બેટ્સમેન Vaibhav Suryavanshi એરપોર્ટ પર નજર આવ્યા હતા, જ્યાં પેપારાઝીએ બંને ખેલાડીઓને સાથે ઉભા રહી ફોટો ક્લિક કરાવવા વિનંતી કરી હતી.
આ દરમિયાન રિયાન પરાગે હળવી મજાકમાં કહ્યું, “અમે ફિલ્મ સ્ટાર નથી ભાઈ.” રિયાનનો આ જવાબ સાંભળતા જ વૈભવ સુર્યવંશી હસતા દેખાયા. વૈભવનું રિએક્શન સોશિયલ મીડિયા યુઝર્સને ખૂબ પસંદ આવી રહ્યું છે અને વીડિયો પર ફેન્સ સતત કમેન્ટ્સ કરી રહ્યા છે.
રાજસ્થાન રોયલ્સ માટે IPL 2026ની સફર અત્યાર સુધી ઉતાર-ચઢાવથી ભરેલી રહી છે. ટીમે સીઝનની શરૂઆત સતત ચાર જીત સાથે કરી હતી, પરંતુ ત્યારબાદ ટીમનું પ્રદર્શન કમજોર બન્યું અને આગામી આઠ મેચોમાં માત્ર બે જ જીત મેળવી શકી. જોકે લીગ સ્ટેજના છેલ્લાં બે મુકાબલામાં સતત જીત મેળવી ટીમે પ્લેઓફમાં પોતાની જગ્યા પાક્કી કરી લીધી.
હવે રિયાન પરાગની આગેવાની હેઠળની ટીમ માટે દરેક મેચ ‘કરો અથવા મરો’ જેવી બની ગઈ છે. રાજસ્થાન રોયલ્સનો મુકાબલો એલિમિનેટરમાં Sunrisers Hyderabad સામે થવાનો છે. જો ટીમ આ મેચ જીતશે તો પછી તેને Gujarat Titans અથવા Royal Challengers Bengaluru સામે બીજા એલિમિનેટર રમવાનો રહેશે.
IPLના ઇતિહાસમાં એલિમિનેટર રમ્યા બાદ ચેમ્પિયન બનવું ખૂબ મુશ્કેલ માનવામાં આવે છે. અત્યાર સુધી માત્ર એક જ ટીમ એલિમિનેટરથી ટ્રોફી જીતવામાં સફળ રહી છે. આવી સ્થિતિમાં રાજસ્થાન માટે આગળનો રસ્તો સરળ નહીં રહે.
Riyan Parag: Hum nahi hain film star, bhai (We aren’t film stars, brother)
Look at Vaibhav Suryavanshi’s reaction 😂❤️ pic.twitter.com/FjALxKOATr
— Mention Cricket (@MentionCricket) May 25, 2026