ભારત અને અફઘાનિસ્તાન વચ્ચે ન્યૂ ચંદીગઢના મુલ્લાંપુર ખાતે રમાઈ રહેલી એકમાત્ર ટેસ્ટ મેચે ઇતિહાસ રચ્યો છે. આ મુકાબલામાં બંને ટીમોએ મળીને એટલા રન બનાવ્યા કે 2018માં બેંગલુરુમાં રમાયેલી પ્રથમ ટેસ્ટનો રેકોર્ડ તૂટી ગયો. ભારત અને અફઘાનિસ્તાન વચ્ચે અત્યાર સુધી માત્ર એક જ ટેસ્ટ રમાઈ હતી, જેમાં ભારતે અફઘાનિસ્તાનને ઇનિંગ્સ અને 262 રને હરાવ્યું હતું. તે મેચમાં કુલ 686 રન નોંધાયા હતા.
પરંતુ 2026ની આ ટેસ્ટમાં શરૂઆતથી જ બેટ્સમેનોએ દબદબો જમાવ્યો. ભારતીય ટીમ માટે કે.એલ. રાહુલે શાનદાર સદી ફટકારી, જ્યારે કેપ્ટન શુભમન ગિલે પણ સદી નોંધાવી. સાઈ સુદર્શન 81 રનની મહત્વપૂર્ણ ઇનિંગ્સ રમી ગયો, જ્યારે ઋષભ પંતે ઝડપી અડધી સદી ફટકારી ટીમના સ્કોરને મજબૂત બનાવ્યો.
ભારતના વિશાળ સ્કોરના જવાબમાં અફઘાનિસ્તાનના બેટ્સમેનોએ પણ લડાયક પ્રદર્શન કર્યું. જેના કારણે મેચમાં કુલ રનનો આંકડો સતત વધી રહ્યો હતો અને ભારત-અફઘાનિસ્તાન ટેસ્ટ ઇતિહાસમાં સૌથી વધુ રનનો નવો રેકોર્ડ નોંધાયો. આ સાથે બંને દેશો વચ્ચેની ટેસ્ટ સ્પર્ધામાં એક નવું અધ્યાય ઉમેરાયું છે.
2018માં અફઘાનિસ્તાનની ટીમ પોતાની પ્રથમ ટેસ્ટમાં ભારત સામે માત્ર બે દિવસમાં જ પરાજિત થઈ હતી. ત્યારે ભારતે 474 રન બનાવ્યા હતા, જ્યારે અફઘાનિસ્તાન 109 અને 103 રનમાં ઓલઆઉટ થયું હતું. પરંતુ આ વખતે અફઘાન ટીમે વધુ સારો પ્રતિસાદ આપતાં મેચને વધુ સ્પર્ધાત્મક બનાવી છે.
આ ટેસ્ટ માત્ર પરિણામ માટે જ નહીં, પરંતુ રનના વરસાદ અને તૂટેલા ઐતિહાસિક રેકોર્ડ માટે પણ લાંબા સમય સુધી યાદ રાખવામાં આવશે. ક્રિકેટ ચાહકોને બંને ટીમોના બેટ્સમેનોએ શાનદાર મનોરંજન પૂરું પાડ્યું છે.
#PrasidhKrishna gives Team India the perfect start to Day 3! 🇮🇳
The pacer gets his third wicket of the game as Azmatullah Omarzai departs for a duck. 🎯#INDvAFG | Only Test ➡️ DAY 3 | LIVE NOW 👉 https://t.co/AznHuB5KoE pic.twitter.com/7dl7dXknZT
— Star Sports (@StarSportsIndia) June 8, 2026