ભારત A અને શ્રીલંકા A વચ્ચે દંબુલ્લામાં રમાઈ રહેલી ત્રિકોણીય શ્રેણીની પ્રથમ મેચમાં રૂતુરાજ ગાયકવાડે પોતાની ક્લાસ ફરી એકવાર સાબિત કરી છે. શરૂઆતમાં ભારત Aની ટીમ મુશ્કેલીમાં મુકાઈ ગઈ હતી, પરંતુ ગાયકવાડે શાનદાર સદી ફટકારીને ઇનિંગ્સને સંભાળી લીધી હતી. તેણે 112 બોલમાં પોતાની સદી પૂર્ણ કરી હતી, જેમાં 6 ચોગ્ગા અને 3 છગ્ગાનો સમાવેશ થયો હતો.
ભારત Aની શરૂઆત સારી રહી નહોતી. યુવા બેટર વૈભવ સૂર્યવંશી માત્ર 14 રન બનાવી આઉટ થયો હતો, જ્યારે પ્રભસિમરન સિંહ પણ મોટી ઇનિંગ્સ રમી શક્યો નહોતો. ત્યારબાદ પ્રિયાંશ આર્યાએ 32 રનની ઉપયોગી ઇનિંગ્સ રમી, પરંતુ રનઆઉટ થતાં ભારત Aનો સ્કોર 69/3 થઈ ગયો હતો.
આ મુશ્કેલ સમયે રૂતુરાજ ગાયકવાડ અને કેપ્ટન Tilak Varma વચ્ચે શાનદાર ભાગીદારી જોવા મળી. બંને ખેલાડીઓએ સંયમ સાથે બેટિંગ કરી અને શ્રીલંકાના બોલરોને કોઈ મોટી તક આપી નહોતી. બંને વચ્ચે 146 રનની અણનમ ભાગીદારી થઈ, જેના કારણે ભારત A મજબૂત સ્થિતિમાં પહોંચી ગયું. તિલક વર્માએ પણ અડધી સદી નોંધાવી અને ગાયકવાડને ઉત્તમ સાથ આપ્યો.
રૂતુરાજ ગાયકવાડ માટે આ ઇનિંગ્સ ખૂબ જ ખાસ માનવામાં આવી રહી છે. ઈજાના કારણે લાંબા સમય સુધી ક્રિકેટથી દૂર રહેલા ગાયકવાડે વાપસી બાદ પ્રથમ જ મોટી તકમાં સદી ફટકારી પોતાની ક્ષમતા સાબિત કરી છે. શ્રીલંકામાં યોજાઈ રહેલી આ ત્રિકોણીય શ્રેણી ભારતીય યુવા ખેલાડીઓ માટે મહત્વપૂર્ણ છે અને ગાયકવાડની આ સદી પસંદગીકારોને ચોક્કસ પ્રભાવિત કરશે.
ભારત A માટે આ સદી માત્ર વ્યક્તિગત સિદ્ધિ નથી, પરંતુ આખી ટીમના આત્મવિશ્વાસ માટે પણ મોટું પ્રોત્સાહન સાબિત થઈ શકે છે.
He has done it again!! 💯
Ruturaj Gaikwad has just smashed a century for India A against Sri Lanka A in the tri-series opener in Dambulla.
He has been in sizzling form in 50-over cricket 🔥 pic.twitter.com/BsGenmVZ3K
— Cricbuzz (@cricbuzz) June 9, 2026