ઇંગ્લેન્ડ ક્રિકેટ ટીમના પૂર્વ મુખ્ય કોચ અને હાલ આઈપીએલમાં રોયલ ચેલેન્જર્સ બેંગલુરુ (RCB) સાથે જોડાયેલા અનુભવી કોચ એન્ડી ફ્લાવરે ઇંગ્લેન્ડના ટેસ્ટ ટીમના મુખ્ય કોચ બનવાની ઓફર નકારી કાઢી હોવાનું જણાવ્યું છે. તેણે આ નિર્ણય પાછળનું સૌથી મોટું કારણ પરિવારને આપેલો સમય અને આંતરરાષ્ટ્રીય ક્રિકેટનું વ્યસ્ત શેડ્યૂલ ગણાવ્યું છે.
એન્ડી ફ્લાવરે એક ઇન્ટરવ્યૂમાં કહ્યું કે, “ઇંગ્લેન્ડના ટેસ્ટ કોચ બનવાની ઓફર મળવી મારા માટે ગૌરવની વાત હતી, પરંતુ આંતરરાષ્ટ્રીય ક્રિકેટનું વ્યસ્ત શેડ્યૂલ તમને લાંબા સમય સુધી પરિવારથી દૂર રાખે છે. આ મારા માટે સરળ નિર્ણય નહોતો.”
ફ્લાવરે વધુમાં જણાવ્યું કે હાલમાં તેઓ આઈપીએલમાં RCB સાથે પ્રતિબદ્ધ છે અને ફ્રેન્ચાઇઝી સાથે કામ કરવાનો તેને ખૂબ આનંદ આવ્યો છે. તેણે કહ્યું કે, “RCB સાથે મારી પ્રતિબદ્ધતા છે. હું આ ટીમ સાથેના મારા સમયનો આનંદ માણી રહ્યો છું અને ભવિષ્યમાં પણ આ સફર ચાલુ રાખવાની આશા રાખું છું.”
તેણે પોતાના ભૂતકાળના અનુભવને યાદ કરતાં એક ભાવુક વાત પણ શેર કરી. ફ્લાવરે કહ્યું કે જ્યારે તેઓ અગાઉ ઇંગ્લેન્ડ ટીમના કોચ હતા ત્યારે કોચિંગ અને પરિવાર વચ્ચે સંતુલન જાળવવાનો પ્રયત્ન કર્યો હતો, પરંતુ તે તેના જીવનની સૌથી મોટી ભૂલોમાંની એક સાબિત થઈ. “જો મને ફરી એકવાર એ જ નિર્ણય લેવાનો મોકો મળે, તો હું નિઃસંકોચ મારા પરિવારને પસંદ કરીશ,” એમ તેમણે જણાવ્યું.
એન્ડી ફ્લાવરના આ નિવેદને ક્રિકેટ જગતમાં ચર્ચા જગાવી છે. અનેક ચાહકો અને ક્રિકેટ વિશ્લેષકોનું માનવું છે કે સતત પ્રવાસ અને વ્યસ્ત આંતરરાષ્ટ્રીય શેડ્યૂલના કારણે કોચ અને ખેલાડીઓના વ્યક્તિગત જીવન પર મોટી અસર પડે છે. ફ્લાવરનો નિર્ણય એ સંદેશ આપે છે કે કારકિર્દી જેટલી મહત્વપૂર્ણ છે, એટલો જ પરિવાર સાથેનો સમય પણ અમૂલ્ય છે. હાલમાં તેઓ RCB સાથે પોતાની કોચિંગ સફર આગળ વધારવા માટે પ્રતિબદ્ધ હોવાનું સ્પષ્ટ કરી ચૂક્યા છે.
🚨 Andy Flower on Rejecting England’s Test Coach Offer🚨
It was an honour to be offered the England Test coach role, but the demanding international schedule keeps you away from your family for too long.
I also have a commitment with RCB in the IPL. I’ve enjoyed my time with… pic.twitter.com/7kH0gDXfCv
— Central Cricket (@arshdeep3444) July 15, 2026