દક્ષિણ આફ્રિકાની ટીમે ઘરેલુ શ્રેણીમાં શ્રીલંકાને બે મેચની ટેસ્ટ શ્રેણીમાં 2-0થી હરાવી હતી…
પાકિસ્તાનમાં યોજાનારી બે ટેસ્ટ મેચ માટે દક્ષિણ આફ્રિકાએ તેની ટીમની ઘોષણા કરી છે. શ્રીલંકા સામે ગ્રોઇન ઈજાને કારણે આઉટ થયા બાદ ઝડપી બોલર કાગિસો રબાડાને ટીમમાં સામેલ કરવામાં આવ્યો છે. દક્ષિણ આફ્રિકાની ટીમ 14 વર્ષ પછી પાકિસ્તાનનો પ્રવાસ કરવા જઈ રહી છે. સુરક્ષાના કારણોને લીધે, ટીમ છેલ્લા 14 વર્ષોમાં પાકિસ્તાનની મુલાકાત લીધી ન હતી.
આ પ્રવાસ પર દક્ષિણ આફ્રિકાની ટીમે બે ટેસ્ટ મેચ અને ત્રણ ટી -20 મેચ રમવાની છે. પ્રવાસની શરૂઆત 26 જાન્યુઆરીથી કરાચીમાં રમાનારી ટેસ્ટ શ્રેણીથી થશે.
આ અગાઉ દક્ષિણ આફ્રિકાની ટીમે ઘરેલુ શ્રેણીમાં શ્રીલંકાને બે મેચની ટેસ્ટ શ્રેણીમાં 2-0થી હરાવી હતી. બીજી ટેસ્ટ મેચમાં ટીમે 10 વિકેટથી વિજય મેળવ્યો હતો, જ્યારે પ્રથમ ટેસ્ટ ઇનિંગ્સ અને 45 રનથી જીત્યો હતો. ટીમ વતી, ડીન એલ્ગર અને ફાફ ડુપ્લેસી શ્રેણીમાં બેટ સાથે ઉત્તમ ફોર્મમાં જોવા મળ્યા હતા.
દક્ષિણ આફ્રિકાની ટીમ – ક્વિન્ટન ડિ કોક (કેપ્ટન), ફાફ ડુપ્લેસી, ડીન એલ્ગર, કેગીસો રબાડા, ટેમ્બા બાવુમા, આઇડન માર્કરામ, કેશવ મહારાજ, ડ્વેન પ્રેટોરિયસ, લુંગી એંગિડી, રેસી વેન ડેર ડ્યુસેન, એરીચ નોર્ટ્જે, વિઆન માલ્ડર, લુથો સિપામાલા, બ્યુરેન હેન્ડ્રિક્સ, કાયલ વેરેન, સિઅરલ અર્વી, કીગન પીટરસન, તબરેઝ શમસી, જ્યોર્જ લિંડે, ડેરિન ડુપવિલોન, ઑઁટોનીલ બાર્ટમેન