ભારતીય ટીમ 2 જૂને મુંબઈથી ઇંગ્લેન્ડ જવા રવાના થશે..
આંધ્રપ્રદેશના વિકેટકીપર બેટ્સમેન કે.એસ. ભરત ભારતીય ટીમ સાથે ઇંગ્લેન્ડ પ્રવાસ પર જશે. આઈપીએલ 14 દરમિયાન બાય બબલમાં કોરોનાથી ચેપ લાગેલ વિકેટકીપર બેટ્સમેન વૃદ્ધિમાન સાહાના બેકઅપ તરીકે તેને ટીમમાં સામેલ કરવામાં આવ્યો છે.
મળતી માહિતી પ્રમાણે, સાહા તાજેતરમાં કોરોનાથી સાજા થઈને ઘરે પરત આવ્યો હતો. આવી સ્થિતિમાં, ભારતીય ક્રિકેટ બોર્ડ (બીસીસીઆઈ) કોઈ જોખમ લેવા માંગતું નથી, તેથી ભરતની પસંદગી સ્ટેન્ડબાય તરીકેની ટીમમાં કરવામાં આવી છે. આ સાથે, ઇંગ્લેન્ડ પ્રવાસ માટે પસંદ કરાયેલા સ્ટેન્ડબાય ખેલાડીઓની સંખ્યા હવે વધીને 5 થઈ ગઈ છે.
કે.એસ. ભરત અગાઉ પણ અનેક પ્રસંગોમાં સ્ટેન્ડબાય તરીકે ટીમ ઈન્ડિયામાં જોડાયો છે. 27 વર્ષીય કે.એસ. ભરત સ્થાનિક ક્રિકેટમાં આંધ્રપ્રદેશનું પ્રતિનિધિત્વ કરે છે. ભરતે અત્યાર સુધીમાં 78 ફર્સ્ટ ક્લાસ મેચોમાં 37.24ની સરેરાશથી 4283 રન બનાવ્યા છે, જેમાં 9 સદી અને 23 અડધી સદીનો સમાવેશ છે. પ્રથમ વર્ગની મેચોમાં તેનો સર્વોચ્ચ વ્યક્તિગત સ્કોર 308 રન છે. ભરતે 28 લિસ્ટ એ મેચોમાં 28.14 ની સરેરાશથી 1351 રન બનાવ્યા છે. લિસ્ટ એ કારકીર્દિમાં તેના નામે ત્રણ સદી અને પાંચ અડધી સદી છે. ભારતે 48 ટી -20 મેચોમાં 730 રન પણ બનાવ્યા છે.