ડબ્લ્યુટીસીની ફાઇનલ માટે કિવિનો મિશેલ સેન્ટરની જગ્યા આ ગુજરાતી ખિલાડી રમશે

વિકેટકીપર વોટલિંગના કવર તરીકે 15 સભ્યોની ટીમમાં રાખવામાં આવ્યો છે….

ન્યુઝીલેન્ડની ટીમે મંગળવારે ભારત સામે 18 જૂનથી શરૂ થનારી વર્લ્ડ ટેસ્ટ ચેમ્પિયનશીપની ફાઈનલ મેચ માટે 15 સભ્યોની ટુકડીની ઘોષણા કરી છે. આ ટીમમાં ઇંગ્લેન્ડ સામે બીજી ટેસ્ટ નહીં રમનારા સુકાની કેન વિલિયમસન, ઝડપી બોલર ટિમ સાઉથી, વિકેટકીપર બી.જે.વાટલિંગ અને ઓલરાઉન્ડર કોલિન ડી ગ્રાન્ડહોમ પાછા ફર્યા છે. ઇંગ્લેન્ડ સામેની બીજી મેચમાં ઇજાના કારણે વિલિયમસન અને વોટલિંગ રમ્યા ન હતા.

એજબેસ્ટન ટેસ્ટમાં રમનાર ટોમ બ્લેંડલને વિકેટકીપર વોટલિંગના કવર તરીકે 15 સભ્યોની ટીમમાં રાખવામાં આવ્યો છે. ભારત સામે ડબ્લ્યુટીસીની ફાઇનલમાં, કિવિ ઝડપી બોલર ઓલરાઉન્ડર કોલિન ડી ગ્રાન્ડહોમ અને 32 વર્ષના ડાબા હાથના સ્પિનર ​​એજાઝ પટેલ સાથે રમશે.

વર્લ્ડ ટેસ્ટ ચેમ્પિયનશિપ માટે ન્યુઝિલેન્ડની 15 ટીમની ટીમ: કેન વિલિયમસન, ટોમ બ્લેંડલ, ટ્રેન્ટ બૌલ્ટ, ડેવોન કોનવે, કોલિન ડી ગ્રાન્ડહોમ, મેટ હેનરી, કાયલ જેમિસન, ટોમ લેથામ, હેનરી નિકોલ્સ, અજાઝ પટેલ, ટિમ સાઉથી, રોસ ટેલર, નીલ વેગનર , બી.જે.વાટલિંગ, વિલ યંગ.