ઈંગ્લેન્ડ એન્ડ વેલ્સ ક્રિકેટ બોર્ડ (ECB) એ ઓસ્ટ્રેલિયા સામેની પાંચ મેચની એશિઝ શ્રેણીની છેલ્લી ટેસ્ટ માટે વિકેટ કીપર બેટ્સમેન સેમ બિલિંગ્સને પોતાની ટીમમાં સામેલ કર્યો છે.
હોબાર્ટમાં પાંચમી અને અંતિમ ટેસ્ટ માટે વિકેટકીપર જોસ બટલર અને જોની બેરસ્ટોના કવર તરીકે બિલિંગ્સને ટીમ સાથે જોડવામાં આવ્યા છે. સિડની ક્રિકેટ ગ્રાઉન્ડ ખાતે ચોથી ટેસ્ટના બીજા દિવસે બટલરને તેના ડાબા હાથમાં ઈજા થઈ હતી જ્યારે બેયરસ્ટો પીડામાં રમી રહ્યો હતો અને શુક્રવારે તેણે અણનમ સદી ફટકારી હતી. બેયરસ્ટોને કેપ્ટન અને ઝડપી બોલર પેટ કમિન્સ દ્વારા અંગૂઠા પર વાગ્યો હતો.
ECBએ કહ્યું, ‘બિલિંગ્સ ઈંગ્લેન્ડના વેસ્ટ ઈન્ડિઝના પ્રવાસ માટે સાંજે યુકેથી જવાનો હતો’. પરંતુ હવે તે સિડનીમાં ટીમ સાથે જોડાશે. પીસીઆર ટેસ્ટ નેગેટિવ આવે ત્યાં સુધી તે આઈસોલેશનમાં રહેશે અને ત્યાર બાદ જ તે ટીમમાં જોડાશે. બિલિંગ્સે હજુ સુધી ટેસ્ટમાં પદાર્પણ કર્યું નથી. તે તાજેતરમાં બિગ બેશ લીગ (BBL)માં સિડની થંડર તરફથી રમ્યો હતો.
JUST IN: Wicket-keeper batter Sam Billings has been added to England’s #Ashes squad as cover. pic.twitter.com/jQ6VrcXTo7
— ESPNcricinfo (@ESPNcricinfo) January 7, 2022