વિરાટ કોહલી આંતરરાષ્ટ્રીય ક્રિકેટમાં 22 હજાર રન પૂરા કરનાર સૌથી ઝડપી ખેલાડી બન્યો છે…
વિરાટ ક્રિકેટ ક્ષેત્રે દરરોજ નવા રેકોર્ડ બનાવી રહ્યો છે, તેને તોડવું બાકીના બેટ્સમેન માટે મુશ્કેલ પડકાર હશે. ભારતીય ટીમના કેપ્ટન વિરાટ કોહલીએ ઓસ્ટ્રેલિયા સામેની બીજી વનડે મેચમાં રેકોર્ડ બનાવ્યો છે. આંતરરાષ્ટ્રીય ક્રિકેટમાં સૌથી ઝડપી 22 હજાર રન બનાવવાનો રેકોર્ડ વિરાટના નામે છે.
વિરાટ કોહલી આંતરરાષ્ટ્રીય ક્રિકેટમાં 22 હજાર રન પૂરા કરનાર સૌથી ઝડપી ખેલાડી બન્યો છે. વિરાટે ઓસ્ટ્રેલિયા સામેની વનડે સિરીઝની બીજી મેચમાં સિડની ગ્રાઉન્ડ પર આ સિદ્ધિ મેળવી હતી. મેચમાં તેનો 78 મો રન પૂરો થતાંની સાથે જ વિરાટ આ રેકોર્ડ પર પહોંચી ગયો. વિરાટે ટેસ્ટ, વનડે અને ટી 20 માં 22 હજાર રન પૂરા કર્યા છે.
આ સાથે વિરાટ ઓસ્ટ્રેલિયા સામે 2 હજાર રન પૂરા કરનારો પાંચમો ખેલાડી અને ત્રીજો ભારતીય બેટ્સમેન બની ગયો છે. વિરાટે 40 ઇનિંગ્સ રમીને આ રેકોર્ડ હાંસલ કર્યો છે.
ભારતીય બેટ્સમેનો ઓસ્ટ્રેલિયા સામે સૌથી વધુ રન બનાવ્યા છે:
3077 – સચિન તેંડુલકર
2208 – રોહિત શર્મા
2000 – વિરાટ કોહલી *
1660 – એમએસ ધોની