બાબર આઝમે ઇતિહાસ રચ્યો, હાશિમ અમલાનો વર્લ્ડ રેકોર્ડ તોડ્યો

આ સાથે તેણે વન ડેમાં સૌથી ઝડપી 13 સદીનો રેકોર્ડ બનાવ્યો છે…

પાકિસ્તાનના કેપ્ટન અને સ્ટાર બેટ્સમેન બાબર આઝમે દક્ષિણ આફ્રિકા સામેની પ્રથમ વનડે મેચમાં સદી ફટકારીને ઇતિહાસ રચ્યો હતો. બાબરે 104 બોલમાં 17 ચોગ્ગાની મદદથી 103 રન બનાવ્યા હતા.

બાબરની વનડે કારકિર્દીની આ 13 મી સદી છે. આ સાથે તેણે વન ડેમાં સૌથી ઝડપી 13 સદીનો રેકોર્ડ બનાવ્યો છે. બાબરે આ સ્થાન ફક્ત 76 ઇનિંગ્સમાં હાંસલ કર્યું છે.

આ કિસ્સામાં, બાબરે દક્ષિણ આફ્રિકાના દિગ્ગજ બેટ્સમેન હાશિમ અમલાનો રેકોર્ડ તોડ્યો હતો. અમલાએ 83 મી ઇનિંગ્સમાં તેની 13મી વનડે સદી ફટકારી હતી. વિરાટ કોહલી અને ક્વિન્ટન ડી કોકે 86 ઇનિંગ્સમાં હાસીલ કર્યો.

જણાવી દઈએ કે આ બાબત સતત 26 મી વખત છે જ્યારે બાબર વનડેમાં બેવડા આંકડા પર પહોંચી ગયો છે. પાકિસ્તાનના જાવેદ મિયાંદાદ (29 વખત) અને શ્રીલંકાના કુમાર સંગાકારા (27 વખત) પછી આ સિદ્ધિ કરનારો તે ત્રીજો ખેલાડી છે.