કર્ણાટકના ઝડપી બોલર અભિમન્યુ મિથુને ફર્સ્ટ ક્લાસ ક્રિકેટમાંથી નિવૃત્તિ જાહેર કરી છે. તેણે ભારત માટે ચાર ટેસ્ટ મેચ અને પાંચ વનડે રમી હતી. તેણે વર્ષ 2010માં ભારત માટે ટેસ્ટ અને વનડે ડેબ્યૂ કર્યું હતું. કર્ણાટકના બોલરે ટેસ્ટમાં 9 અને વનડેમાં ત્રણ વિકેટ લીધી હતી. તેણે ભારત માટે છેલ્લી આંતરરાષ્ટ્રીય મેચ વર્ષ 2011માં રમી હતી.
ડોમેસ્ટિક ક્રિકેટમાં મિથુનનો રેકોર્ડ મજબૂત છે. મિથુને 103 ફર્સ્ટ ક્લાસ મેચોમાં 26.63ની સરેરાશથી 338 વિકેટ લીધી હતી. આ સિવાય તેણે 96 લિસ્ટ A મેચ અને 74 T20 મેચમાં 205 વિકેટ લીધી છે.
પોતાની નિવૃત્તિની જાહેરાત કરતા મિથુને કહ્યું કે, ‘તેણે બીજો રસ્તો શોધવા માટે આ નિર્ણય લીધો છે. મેં સર્વોચ્ચ સ્તરે મારા દેશનું પ્રતિનિધિત્વ કર્યું છે અને આ હંમેશા મારી સર્વોચ્ચ સિદ્ધિ રહેશે. આમાંથી જે આનંદ અને ગૌરવ આવે છે તે હું મારી સમગ્ર કારકિર્દી દરમિયાન કદર કરીશ. તેણે આગળ લખ્યું કે ક્રિકેટ એક સાર્વત્રિક રમત છે અને હું ઉચ્ચતમ સ્તર પર સમાપ્ત કરવામાં માનું છું. તેથી મારે આ નિર્ણય લેવો પડ્યો. મારા મનમાં સ્પષ્ટ હતું કે કર્ણાટકમાં ઝડપી બોલિંગમાં સારી પ્રતિભા છે અને જો હું મારી કારકિર્દીને લંબાવું તો તેમને યોગ્ય સમયે તક નહીં મળે.
Thank you for all your love and support through my highs and lows pic.twitter.com/VDovQQ6UfC
— Mithun Abhimanyu (@imAmithun_264) October 7, 2021
અભિમન્યુ મિથુને દક્ષિણ આફ્રિકા સામે વનડે ડેબ્યૂ કર્યાના 5 મહિના બાદ ગાલેમાં શ્રીલંકા સામે ટેસ્ટ ડેબ્યૂ કર્યું હતું. તેણે IPLમાં 16 મેચ રમી હતી. આઈપીએલમાં તેણે રોયલ ચેલેન્જર્સ બેંગ્લોર, મુંબઈ ઈન્ડિયન્સ અને સનરાઈઝર્સ હૈદરાબાદ માટે સાત વિકેટ લીધી હતી.