ભારતીય ટેસ્ટ કેપ્ટન વિરાટ કોહલીના બાળપણના કોચ રાજકુમાર શર્માએ તેમની અને BCCI પ્રમુખ સૌરવ ગાંગુલી સાથે થયેલા વિવાદ પર પ્રતિક્રિયા આપી છે. દક્ષિણ આફ્રિકાના પ્રવાસે જવાના થોડા સમય પહેલા વિરાટે પ્રેસ કોન્ફરન્સ કરીને ઘણા મુદ્દાઓ પર વાત કરી હતી.
આ દરમિયાન, તેણે BCCI પ્રમુખ સૌરવ ગાંગુલી અને ODI ફોર્મેટના નવા કેપ્ટન, રોહિત શર્મા વિશે કરવામાં આવી રહેલી ઘણી અટકળો પર પોતાનું વલણ સ્પષ્ટ કર્યું. અહીં તેણે એમ પણ કહ્યું કે તે દક્ષિણ આફ્રિકા સામે રમાનારી વનડે શ્રેણી માટે ઉપલબ્ધ છે. આ પ્રેસ કોન્ફરન્સમાં જ્યારે વિરાટે ગાંગુલીના એક નિવેદન પર અસહમતિ વ્યક્ત કરી ત્યારે નવો વિવાદ ઉભો થયો હતો.
રાજકુમાર શર્માએ ‘ખેલનીતિ’ પોડકાસ્ટ પર વાત કરતા કહ્યું, “હું આ મુદ્દા પર વધુ બોલવા માંગતો નથી, કારણ કે તે સીધો વિરાટ સાથે સંબંધિત છે. પણ મને લાગે છે કે બંને તરફથી આવા કઠોર શબ્દોનો ઉપયોગ ન થયો હોત તો સારું થાત. ટીમ સારું પ્રદર્શન કરી રહી છે, મને નથી લાગતું કે અમારે બિનજરૂરી વિવાદ ઊભો કરવાની જરૂર છે.
તેણે વધુમાં કહ્યું કે, “કોહલીને આ પ્રકારના વિવાદની અસર થવાની શક્યતા નથી. તે તેના મગજમાં હોઈ શકે છે, પરંતુ એકવાર તે મેદાન પર ઉતરશે, મને નથી લાગતું કે તેની તેના પર અસર થશે. વિરાટ કોઈ પણ વસ્તુ માટે લોભી નથી, તેનામાં ઘણો આત્મવિશ્વાસ છે અને હું જાણું છું કે તે તેનું 100 ટકા આપશે. જ્યારે આ પ્રકારનો મુકાબલો અથવા વિવાદ થાય છે, ત્યારે દેખીતી રીતે તે કોઈપણ ખેલાડી માટે થોડું પરેશાન કરે છે, પરંતુ હું આશા રાખું છું કે બોર્ડ આ પરિસ્થિતિનો અસરકારક રીતે સામનો કરશે અને તેને ખેંચવામાં આવશે નહીં.”