આરસીબી સામેનું પ્રદર્શન બેટ સાથે કંઈ ખાસ હતું નહીં અને તે માત્ર 13 રને આઉટ થયો હતો…
મુંબઈ ઈન્ડિયન્સનો સ્ટાર ઓલરાઉન્ડર હાર્દિક પંડ્યા રોયલ ચેલેન્જર્સ બેંગ્લોર સામે રમાયેલી આઈપીએલ 2021ની પ્રથમ મેચમાં બોલિંગ કરતો દેખાયો ન હતો. મેચ બાદ ક્રિસ લિનને કહ્યું કે હાર્દિકના ખભામાં થોડી સમસ્યા હોવાને કારણે તે બોલિંગ કરી રહ્યો નથી. છેલ્લી બોલ સુધી ચાલેલી મેચમાં મુંબઈ ટીમને આરસીબીના હાથે 2 વિકેટથી હારનો સામનો કરવો પડ્યો હતો. દરમિયાન, મુંબઈની ટીમના ક્રિકેટ ઓપરેશનના ડિરેક્ટર ઝહિર ખાને કહ્યું કે, હાર્દિક પંડ્યાના ખભામાં થોડી સમસ્યા છે, પરંતુ તે ટૂંક સમયમાં મુંબઈ માટે બોલિંગ કરતા જોવા મળશે.
પ્રેસ કોન્ફરન્સમાં હાર્દિકની બોલિંગ પર બોલતા ઝહિર ખાને કહ્યું કે, “તેના ખભામાં થોડી સમસ્યા છે, પરંતુ મને નથી લાગતું કે તે ઈજાગ્રસ્ત છે અને તમે જલ્દી જ બોલિંગમાં જોશો.” તે કેટલો સમય લેશે તે વિશે તમે ફિઝિયો માહિતી આપી શકશે, પરંતુ અમને પૂરો વિશ્વાસ છે કે હાર્દિક પંડ્યા ટૂર્નામેન્ટમાં બોલિંગ કરતા જોવા મળશે. હાર્દિક એક સંપૂર્ણ પેકેજ છે અને દરેક જણ આ જાણે છે. પાછલી મેચમાં વર્કલોડ જેવી સમસ્યા આવી હતી.
હાર્દિક પંડ્યાનું આરસીબી સામેનું પ્રદર્શન બેટ સાથે કંઈ ખાસ હતું નહીં અને તે માત્ર 13 રને આઉટ થયો હતો. પ્રથમ બેટિંગ કરતા મુંબઇ ઇન્ડિયન્સે 20 ઓવરમાં 9 વિકેટ ગુમાવ્યા બાદ 159 રન બનાવ્યા હતા. તેના જવાબમાં બેંગ્લોરની ટીમે અંતિમ ઓવરમાં ગ્લેન મેક્સવેલ (39) અને એબી ડી વિલિયર્સની 27 બોલમાં 48 રનની તોફાની ઇનિંગ્સને કારણે મેચ 2 વિકેટે જીતી લીધી હતી.