ઈંગ્લેન્ડના પૂર્વ કેપ્ટન કેવિન પીટરસને રોયલ ચેલેન્જર્સ બેંગ્લોર (RCB) અને ટીમ ઈન્ડિયાના પૂર્વ કેપ્ટન વિરાટ કોહલીના ખરાબ ફોર્મ વિશે વાત કરી છે. પીટરસનને લાગે છે કે વિરાટ ચોક્કસપણે ફોર્મમાં પરત ફરશે અને તે માત્ર સમયની વાત છે.
આ સાથે તે સંમત થયો કે વિરાટે ક્રિકેટમાંથી ઓછામાં ઓછો છ મહિનાનો બ્રેક લેવો જોઈએ અને તાજા થઈને મેદાનમાં પરત ફરવું જોઈએ. પીટરસન ઉપરાંત ટીમ ઈન્ડિયાના પૂર્વ મુખ્ય કોચ રવિ શાસ્ત્રીએ પણ આવું કહ્યું છે.
રવિ શાસ્ત્રીએ સ્ટાર સ્પોર્ટ્સ પર કહ્યું, ‘વિરાટ કોહલીને બ્રેકની જરૂર છે કારણ કે તેની પાસે છ વર્ષનું ક્રિકેટ બાકી છે અને તમે ક્રિકેટમાં આવા ખેલાડીને ગુમાવવા માંગતા નથી. તે એકમાત્ર ખેલાડી નથી, દુનિયામાં એક કે બે એવા ખેલાડી છે જેઓ આ તબક્કામાંથી પસાર થઈ રહ્યા છે. આ અંગે પીટરસને કહ્યું, “રવિ શાસ્ત્રી 100 ટકા સાચા છે. આ ખેલાડીને લગ્નથી લઈને બાળકો સુધી ઘણી બધી બાબતોનો સામનો કરવો પડે છે, તેના અંગત જીવન પર મીડિયા કોમેન્ટ્રી, તે અત્યારે સૌથી મોટો સ્ટાર છે.
પીટરસને આગળ કહ્યું, ‘વિરાટ કોહલીએ છ મહિના માટે બ્રેક લેવો જોઈએ. સોશિયલ મીડિયાને બંધ કરીને ફરીથી તાજા થઈને મેદાનમાં આવવું જોઈએ. જ્યારે સ્ટેડિયમ ફરી ભરાઈ જશે, ત્યારે તમે તેમને આગામી 12, 24 કે 36 મહિના સુધી ટીમમાં રહેવાની ખાતરી આપો છો. વિરાટ ખરાબ ફોર્મ સામે ઝઝૂમી રહ્યો છે, તે મંગળવારે લખનૌ સુપર જાયન્ટ્સ સામે રમાયેલી મેચમાં ગોલ્ડન ડકનો શિકાર બન્યો હતો.